أحمد فهمي عن طليقته الأولى منة حسين فهمي: لسه أصحاب.. والانفصال تم بشكل محترم
حل الفنان أحمد فهمي ضيقًا على الإعلامية عبلة في ثاني حلقات برنامجها عندك وقت مع عبلة المذاع على شاشة قناة MBC، وخلال وجوده تحدث عن العديد من الكواليس عن حياته الشخصية، وعلاقته بـ زوجته السابقة منة حسين فهمي حتى بعد انفصالهما، وعن رأيه في مرحلة الزواج بعد مروره بتجارب عديدة.
أحمد فهمي يتحدث عن طليقته الأولى منة حسين فهمي
وتحدث أحمد فهمي عن زوجته السابقة منة حسين فهمي، قائلًا: لسه صحاب جدًا أنا ومنة، وحسين فهمي وميرفت أمين حبايبي، ولو فيه مشكلة ممكن يكلموني- هما ناس محترمة والانفصال تم بشكل محترم، النهايات مهمة ليه أبقى جوه بيتك وعارف عنك أسرار مش من الرجولة.
وعن وجهة نظره في الزواج الآن، قال: شايف الجواز في السن ده، كلمة شريك حياتي دي كبيرة أوي، ولازم الشخصين يبقوا صحاب أوي زي صحابي الولاد مش حب بس، موضحًا: إننا نكون ينفع نهزر الهزار اللي صحابك بيهزروه- مش العيلة والخلفة وتبقى مستفيد بالعلاقة وترجع بعد شغلك ومبسوط وعايزين تهزروا وتضحكوا.
وأضاف أحمد فهمي: بدأت أخد بالي من الوقت وعرفت قيمته، وكنت بعمل عمل واحد أو 2 في السنة، ودلوقتي اكتشفت إن ده مش صح وإن يكون عندك فيلم أو اتنين في السنة- الكواليتي مهم- والمهم عمرك الفني.
وأردف أحمد فهمي: الكلاب أهم حاجة في حياتي ومن أي حد، وبيسببولي مشاكل، وعندي كلبة اسمها زيزي وبتتعامل معايا إني زوجها.. ولو قاعد معايا وحد ماسك إيدي بتغير وتخربش، ومنة حسين فهمي كانت بتحب الكلاب جدًا وكانت أكتر مني، وكان عندنا قرود ومبنحطش الحيوانات في قفص.
أحمد فهمي: مبحبش الساحل الشمالي كله Fake
واختتم أحمد فهمي: مبحبش الساحل الشمالي ولا طيب ولا شرير كله Fake، بحب البحر الأحمر، وكريم أخويا بيروح وفورمة بقى ويقولي تعالى، أنا بحب المصيف ألبس المايوه وأمشي بالشبشب في الشارع.
