بكلمات مؤثرة.. أيمن منصور نجم الزمالك السابق يتحدث عن الراحل محمد صبري
قال أيمن منصور كابتن نادي الزمالك الأسبق، إن الراحل محمد صبري كان علامة مميزة في تاريخ النادي، سواء داخل الملعب أو خارجه.
تصريحات أيمن منصور
وأكد أيمن منصور في تصريحات إذاعية: فراقه ورحيله صعب بالنسبة لنا جميعا، ربنا يصبر أسرته ويصبرنا ويصبر جمهور الزمالك اللي كان بيحبه وبيقدره.
وأضاف: آخر تواصل بيني وبين محمد صبري كان من حوالي شهر، خلال إحدى حلقات برنامجه، ووقتها اتكلمنا وضحكنا وكان كالعادة في قمة التواضع.
وواصل: محمد صبري كان بيتعامل مع كل ضيوفه في البرنامج بشكل محترم وبأخلاق عالية وكان دايمًا شخص طيب وبيحب الناس.
كما استعاد ذكرياته معه داخل الملعب قائلًا: تصويبات محمد صبري كانت رائعة، وكان معروف بتسديداته القوية من خارج الـ18 وسجل أهداف جميلة كتير، وكمان سجل أكتر من هدف في الأهلي، ودي حاجة جمهور الزمالك عمره ما هينساها.
واختتم أيمن منصور قائلا: محمد صبري مش بس لاعب كبير ده كان إنسان محترم وخلوق، وهيفضل علامة في تاريخ الزمالك.
