أغرب تحليل رياضي واعتداء على الهواء.. أحمد شوبير يكشف مواقف لا تُنسى خلال مسيرته الإعلامية
كشف الإعلامي أحمد شوبير عن أغرب تحليل رياضي سمعه، وعن الضيف الذي تمنى إجراء حوارًا معه، وعن الموقف الذي لن ينساه على الهواء.
تصريحات أحمد شوبير
وقال أحمد شوبير في تصريحات إعلامية: أغرب تحليل رياضي سمعته لما اتقال إن المعلق سبب هزيمة الزمالك من الأهلي، أغرب تحليل شوفته في حياتي.. لا شوفته ولا هشوفه تاني.
وعن الضيف الذي تمني إجراء حوارا معه، قال: أجريت حوارات مع صالح سليم وحسن حمدي والخطيب ولكن نفسي أعمل حوار مع عمرو زكي وهيكون مؤثر، بعد ما كان في القمة الدنيا مبقتش ماشية معاه كويس دلوقتي.. عمرو كان ممكن يبقى حاجة عظيمة جدًا، عايز أعمل حوار علشان يكون درس للناس كلها إن الشهرة الحفاظ عليها مهم وإن الواحد لازم يكمل فيها بنجاح، وإن الإهمال ممكن يؤدي إلى أمور كارثية، عمرو مهتمش بنفسه ومحترمش موهبته ولا جماهيريته الكبيرة مع إنه كان موهوب موهبة غير طبيعية.. ويا ريت يلحق نفسه وطول ما إحنا عايشين لسه في فرصة.
وأكد شوبير: أنا حاولت أساعده لكن لقيت أخوه طلع قال كلام مش كويس.. نفسي أعمل الحوار ده علشان ناخد منه درس ونساعد نجم زي عمرو زكي يرجع من جديد.
وأتم تصريحاته بالكشف عن الموقف الذي لن ينساه وهو على الهواء مباشرةً: لما ضربت واحد كان معايا في حلقة.. وأنا مش بندم على الموقف هو يستاهل الضرب ومندمتش ولكن السلوك قدام الجمهور مش صحيح ولو رجع بيا الزمن هضربه تاني بس مش على الهوا.
