صاحبة صالون تجميل تزعم تعرضها للسرقة: الحرامي سرق بروتين شعر بـ40 ألف جنيه وده مصدر رزقي| خاص
تزعم صاحبة صالون للتجميل تعرضها للسرقة، حيث نشرت مقطع فيديو لها عبر حسابها الشخصي بموقع التواصل الاجتماعي تيك توك، ظهر به البيوتي سنتر في حالة من الخراب والتدمير.
صاحبة صالون تجميل تستغيث بعد سرقته
وقالت دينا هشام، صاحبة صالون تجميل بحدائق القبة تعرض للسرقة، في تصريحات خاصة لـ القاهرة 24، الحرامي دخل من شباك صغير في الصالون ومعرفش عدى منه إزاي، وبهدل المكان وسرقه، سرق معدات ومنتجات تجميل بقيمة 40 ألف جنيه، وسرق 20 ألف جنيه.
وتزعم صاحبة صالون التجميل المسروق بحدائق القبة: أن السارق سرق بروتين فرد الشعر وحمامات كريم وشامبو ومنتجات تجميل بقيمة 40 ألف جنيه، وكان مجمع مكوى الشعر وسشوار ومعدات التصفيف على جنب على أساس إنه هيرجع تاني وياخدهم، وفيه مسروقات تانية أنا مش قادرة أحصرها.
وأضافت: الواقعة حصلت يوم الجمعة بالليل واكتشفتها تاني يوم، لإنه حاول تعطيل كاميرات المراقبة، وأنا بطالب بالقبض على الحرامي، وهاخد الإجراءات القانونية، أنا استعوضت ربنا في المسروقات، ولكن لازم ياخذ جزاءه قانونيًا عشان نرحم الناس من شره، لإنه كسر كاميرا جنب الشباك اللي دخل منه، وكان لابس قناع عشان يتنكر فيه، ولكنه ظهر بوجهه في أول فيديو السرقة.
