آمال ماهر: والدي رحل لأنه كان يحتاج لزراعة كبد.. ولم يسعفنا الوقت لإنقاذه
تحدثت الفنانة آمال ماهر عن مأساة وفاة والدها، إذ أكدت الفنانة أن والدها الراحل كان يحتاج لزراعة كبد ولكن لم يسعفهم الوقت لإنقاذه، فرحل متأثرًا بمرضه، ومن وقت وفاته واتخذت الفنانة قرارًا بـ المشاركة في الحفلات الخيرية، حتى تحاول أن تساعد كل من يحتاج لتقديم العون.
وقالت آمال ماهر في لقائها مع لميس الحديدي: أزمة مرض والدي كانت تجربة صعبة، مكنتش عارفة أعمل إيه، كان محتاج زراعة كبد لكن الوقت كان فات، ومن وقتها قررت أشارك في الحفلات الخيرية لأن نفسي لو بنسبة بسيطة أساعد الحالات اللي زي كده بأي شكل، وأنا لا أملك غير صوتي، مش ببص لكل الحفلات الكبيرة ببص بس للي هقدر أعمله، واللي أقدر أقدمه، أني أساهم بصوتي، ولو فيه أكتر أقدر أساعد بيه مش هتأخر.
آمال ماهر تتحدث عن مأساة وفاة والدها
وعن زيارتها للأطفال المصابين بأمراض القلب والكبد، قالت آمال ماهر: زورت أطفال عاملين عمليات زراعة قلب وكبد، كنت عايزة أقولهم أنتم صغرتوا حاجات كتيرة في الدنيا قدامي، وقد إيه أنتم أبطال، ولازم الإنسان يخجل من نفسه لما يقول أنا متضايق، أنا شفتهم أقوياء وحسيت بسعادة كبيرة وأنا وسطهم، وأن أكون سبب ابتسامة بسيطة ده عمل متميز.
