لما بابا يدفع تنزل تلعب| أولياء أمور يزعمون حرمان معهد أزهري لأبنائهم من الفسحة بسبب المصروفات.. ومسئول يرد
لما بابا يدفع المصاريف.. تبقى تلعب مع صحابك في الفسحة!.. بتلك الكلمات كشف المهندس رامي الجبالي، مؤسس صفحة أطفال مفقودة، قيام معاهد الكمال الأزهرية بالتجمع الخامس، بحرمان طلاب تتراوح أعمارهم ما بين الـ 7 و9 سنوات، من وقت الفسحة؛ بسبب تأخير أولياء أمورهم في دفع قسط المصاريف الدراسية.
لما بابا يدفع تنزل تلعب| أولياء أمور يزعمون حرمان معهد أزهري لأبنائهم من الفسحة بسبب المصروفات.. ومسئول يرد
وفي منشور له، قال رامي الجبالي: لما بابا يدفع المصاريف.. تبقي تلعب مع صحابك في الفسحة!.. ايوه يا فندم، ده اللي عملته معاهد الكمال الأزهرية اللي في التجمع_الخامس مع أطفال أعمارهم ما بين 7 و8 و9 سنين؛ عشان اهلهم في ظل ظروف اقتصاديه صعبه تأخروا في دفع قسط المدرسة.. يا مدير المدرسة الحزينة، إيه ذنب الولاد ؟ ما هي الجريمة التي ارتكبها الأطفال عشان مينزلوش يلعبوا مع صحابهم ؟.
وتابع: فرحت لما الولاد كلهم ناموا معيطين يا معالي المدير.. الأهالي إستلفت وباعت بسرعة عشان تدفع المصاريف عشان يحافظوا على ما تبقي من صورتهم قصاد ولادهم، يا رب تكون راضي والفلوس تمام! يا مدرس ويا مدرسة، ليه نحرج اطفال قصاد صحابهم ونخليهم يعايروا بعض بالعجز عن سداد المصاريف ؟، يا بتوع التربيية، ليه تقللوا من صورة اهالي الاطفال في عيون ولادهم ؟، يا معالي وزير وزارة التربية والتعليم المصرية هو ده عادي.. هل احتجاز الاطفال لحين دفع الديه عادي ؟ ويا المجلس القومي للطفولة والأمومة وخط نجدة الطفل 16000 هل ده الاطفال دي اذنبت عشان يتم احتجازهم ومعايرتهم بالشكل ده ؟.
من جانبه، قال مصدر بالمعاهد الأزهرية لـ القاهرة 24، إنه سيتم بحث الشكوى للتأكد من مدى صحتها.
