محارب السرطان وسام بسام يستغيث بعد إصابته بـ ورم في الرئة: نفسي أعيش زي أي شاب.. ومحتاج مساعدتكم
استغاث الشاب وسام بسام محارب السرطان، في منشور عبر حسابه الشخصي على فيسبوك، بسبب عدم قدرته على سداد دفع تكاليف علاجه لإصابته بـ سرطان الرئة بعد أشهر قليلة على تعافيه من سرطان الغدد الليمفاوية إثر اجراءه عملية زرع نخاع العظام.
وسام بسام يستغيث لعلاجه بعد إصابته بـ ورم في الرئة
وتواصل القاهرة 24 مع وسام بسام محارب السرطان، الذي قال: الكلام اللي هقوله دلوقتي تقيل على قلبي بس لازم أقوله علشان الناس تساعدني.
وأضاف: أنا عايز أنقذ حياتي من الموت وأعيش زي أي شاب، أنا كنت مريض سرطان الغدد الليمفاوية والحمد الله ربنا شفاني وعملت عملية زرع نخاع عظام.
وواصل: للأسف حصلي التهاب رئوي حاد ومرض السرطان رجعلي في الرئة واتحجزت في مستشفى مخصص للأورام، لكن العلاج مجبش نتيجة معايا، ودلوقتي محجوز في رعاية مركزة بمستشفى بحدائق الأهرام وبنقل دم وصفائح بلازما غير مصاريف المستشفى، وأنا حاليا محتاج مساعدتكم ووقفتكم جنبي في مصاريف العلاج والمستشفى.
واختتم: أنا عمري ما كنت متخيل أكتب على صفحتي إني محتاج للعلاج وعارفين التكاليف غالية قد إيه، علشان خاطر ربنا ساعدوني وربنا يجعله في ميزان حسناتكم.
