الأمن يفحص منشورا يزعم تعرض فتيات للابتزاز والتهديد بصور مفبركة بالدقهلية
تفحص الأجهزة الأمنية بوزارة الداخلية منشورا تم تداوله على مواقع التواصل الاجتماعي، يزعم تعرض فتيات بمحافظة الدقهلية للابتزاز والتهديد من قبل شخص مقابل التحصل على أموال أو صور خادشة للحياء.
الأمن يفحص منشورا يزعم تعرض فتيات للابتزاز والتهديد بصور مفبركة بالدقهلية
وزعم ناشر المنشور عبر موقع فيسبوك: بلاغ عاجل لمباحث الإنترنت الشخص ده من بلقاس محافظة الدقهلية، شغلته الوحيدة في الحياة يدخل لفتيات صغيرة في السن ويسرق صورهم ويهددهم بها.
وأضاف الناشر: المشكو في حقه بيطلب صور غير أخلاقية ويرعب البنات لدرجة إن ممكن بنات يوصلهم بهم الأمر للانتحار من الخوف وكلهم بنات صغيرة.
من ناحية أخرى، تفحص الأجهزة الأمنية بوزارة الداخلية فيديو لطالب يزعم الاعتداء عليه في شارع الهرم.
وخلال فيديو له على فيس بوك روى الطالب القصة، موضحا أن اسمه رامي طالب بالفرقة الرابعة بكلية تجارة انجليزي في جامعة القاهرة بفرع الشيخ زايد.
وأوضح: كنت متفقًا أنا وأصحابي إننا نخرج في اليوم ده، خرجنا في الشيخ زايد وبعدها رجعنا على الهرم منتصف الليل، فقلت هبيت معاهم وأنزل الصبح أمشي، صحيت ونزلت الصبح، والساعة 5:30 وأنا ماشي في شارع الهرم عند نفق اللبيني جه حد من ضهري عورني في وجهي بجروح نافذة وعورني في رقبتي كانت هتوصل لذبح.
وواصل: مش عارف ليه عمل كده؟ أنا مليش مشاكل مع حد ومش عارف اللي عمل كده كان عايز يسرقني، ولقي الموضوع كبر منه فجري، ولا كان قاصد حد تاني وجت فيا بالغلط، ولا هو كان شارب ومش في وعيه؟!.
وأكد: بعد ما اتعورت جريت رحت صيدلية، وهناك عامل الصيدلية خدني هو وواحد تاني ودوني مستشفى الهرم التخصصي، وطلبت من المستشفى تقرير عشان أعمل محضر قالوا التقرير بيطلع بعده بـ 5 أيام، وخرجنا من المستشفى من غير ما ناخد التقرير.
وأضاف: بعدها بكام يوم استلمت التقرير ورحت القسم عملت محضر، واتضح أن اللي عملوا كده كانوا اتنين وجوههم مكنتش باينة كويس، ولما روَّحت دخلت على صفحة الوزارة عملت شكوى وكتبت كل التفاصيل، وانتظرت حد يكلمني محدش كلمني.
وأكمل: بعدها حد من النيابة رن على رقم أخويا يوم 6 نوفمبر ورحت النيابة، استجوبوني ولحد دلوقتي محصلش أي حاجة.. المفروض يتم مراجعة الكاميرات في محيط المكان والقبض على من قاموا بالاعتداء عليا.
