هشام نصر: فيه زملكاوية عايزين يثبتوا إن إحنا وحشين وغلط وياريت نتحد عشان إحنا في أزمة كبيرة
رياضة
هشام نصر
حرص هشام نصر نائب رئيس نادي الزمالك على توجيه رسالة إلى جماهير القلعة البيضاء بعد سحب أرض النادي في 6 أكتوبر.
تصريحات هشام نصر
وقال هشام نصر في تصريحات عبر قناة MBC مصر: في زملكاوية عايزين يثبتوا إن إحنا وحشين وإن إحنا غلط، ولو علينا أي أخطاء في ملف أرض 6 أكتوبر تبقى أخطاء إدارية مش أخطاء فادحة
وأكمل: الخلاف القانوني ميسحبش أرض 6 أكتوبر، والأندية الشعبية بقت تعتمد على الأشخاص وده خطر جدًا على الرياضة المصرية
وأردف: أتمنى يكون هذا اللقاء هو النداء الأخير بشأن موضوع أرض 6 أكتوبر وعودتها مرة أخرى.
واختتم تصريحاته قائلا: هناك 30 أو 40 مليون زملكاوي محتاجين مساعدة السيد رئيس الجمهورية وبناشده بعودة أرض 6 أكتوبر.
وينتظر مجلس إدارة الزمالك الموقف النهائي بشأن عودة أرض النادي في 6 أكتوبر، وحسم مصيرها خلال الأيام المقبلة.
