السولية: فايلر كان يفتقد الإنسانيات.. ورمضان صبحي كان هيبقى زي محمد صلاح
كشف عمرو السولية لاعب سيراميكا كليوباترا الحالي والأهلي السابق، عدة كواليس خلال وجوده بالقلعة الحمراء وكواليس ولاية السويسري رينيه فايلر مدرب الفريق السابق.
أبرز تصريحات عمرو السولية لاعب الأهلي السابق
وتحدث عمرو السولية خلال تصريحات إعلامية عن رحيل رمضان صبحي عن الأهلي، وتفضيله الانتقال إلى بيراميدز، قائلًا: رحيل رمضان صبحي كان مفاجأة بالنسبة للاعبي الأهلي لأنه ابن النادي، والفريق كان قايم عليه والناس كانت شايفة رمضان حاجة كبيرة.
وتابع: زعلت إن رمضان كان عنده فرصة تانية للاحتراف، وكان ممكن يبقى زي محمد صلاح، فكنت أتمنى إنه يكمل في الأهلي أو يحترف مرة تانية، ولم أعاتبه بعد رحيله وعلاقتنا استمرت كزملاء فقط في الملعب.
وعن فترة السويسري رينيه فايلر، قال: فايلر مدرب جامد، ومن أول يوم قال لجميع اللاعبين مفيس حد هيكتفي بالدفاع أو الهجوم وكل اللاعبين مطلوب منهم الدورين، ووقتها حصل مشكلة بينه وبين صالح جمعة علشان مش بيدافع كويس وقاله: أنت بالنسبة ليا نص لاعيب، ويا إما تعمل الاتنين أو مش هتكون معايا، وبالفعل مكنش بيتمرن معانا.
وواصل السولية تصريحاته: فايرر كان بيتجنن من تركيز اللاعبين مع السوشيال ميديا وكان بيلاقي لاعبين بيفتحوا الموبايل بين الشوطين يتابعوا رد فعل الجماهير، وكان مركز في عدم تعامل اللاعبين مع السوشيال ميديا.
وأوضح: أجنحة الفريق كانوا بيتعذبوا في التدريبات مع فايلر واللاعب اللي بيعترض كان برة الفريق، كان مطلوب مننا نشتغل وهو كان بيعمل دوره وخلاص ومكنش عنده الحتة الإنسانية هو جاي يشتغل بس.
وعن كواليس الفوز على صن دوانز بعد مباراة الخماسية، قال: دخلنا المباراة وإحنا جايين من كارثة لسه معلمة لحد دلوقتي، لكن فايلر كان مذاكر فريق صن داونز وحافظ طريقة لعبه، وسيد عبد الحفيظ قال إحنا لينا تارعند الفريق وكان لازم المباراة تخلص بمكسب علشان عارفين إن مباراة العودة في جنوب إفريقيا صعبة.
وواصل: في مباراة العودة كل مرة البلد كلها بتكون في الاستاد، لكن فايلر قرر إننا نرجع مع صن داونز في نفس الطيارة وفايلر أصر إننا نروح بدري وكنا بنتمرن في نفس ميعاد المباراة، وكان فيه ضغط كبير على اللاعبين والمدرب أخد رأي عدد من اللاعبين وهم أنا والشناوي ومعلول وأحمد فتحي في طريقة اللعب خلال المباراة، ومعظم اللاعبين وافقوه على رأيه باللعب بثلاثة لاعبين في الدفاع.
واختتم عمرو السولية تصريحاته: فايلر بعد ظهور كورونا مكنش متهم بالتدريبات وكان خايف لحد ما أخد قرار الرحيل، وزعلت لأنه مدرب جامد.
