محمد رمضان: مينفعش أعمل أفلامًا عن العشوائيات زي زمان.. الفئة دي مبقتش موجودة في مصر
تحدث الفنان محمد رمضان، عن القضاء على العشوائيات، موضحًا أنه لا يمكنه مناقشة هذه الفئة حاليًا كما فعل في بداية مشواره الفني.
وقال محمد رمضان، في كلمته خلال تكريمه بملتقى التميز والإبداع العربي: بحس إن دايمًا اللوم على الممثل والدراما والسينما أنهم لازم يعملوا ويغيروا ويوصلوا، وده حقيقي، لكن الإعلام له دور كبير وبوصي الإعلام إنه يهتم بالحاجات العظيمة اللي بتحصل في مصر للأجيال الجديدة اللي فاكرة إن مصر طول عمرها معندهاش فيروس C.
وتابع محمد رمضان: إحنا من عشرين سنة فيروس C كان قاتل نص عائلاتنا، وفي عهد الرئيس عبد الفتاح السيسي قضينا على الفيروس، وقضينا على العشوائيات اللي كنا بنطلع بالطائرة بنلاقي عزبًا من الصفيح والعشش.
وأضاف محمد رمضان: أنا عملت أفلامًا عن العشوائيات وشايف إنه مش منطقي أعملها دلوقتي لأن الفئة دي مبقتش موجودة في مصر.
أعمال محمد رمضان
وعلى جانب آخر، ينتظر الفنان محمد رمضان، عرض فيلمه الجديد أسد، ويشاركه في بطولة العمل كل من الفنان ماجد الكدواني، رزان جمال، علي قاسم، ركين سعد، كامل الباشا، محمود السراج، أحمد عبد الحميد وإسلام مبارك ومن تأليف خالد وشيرين ومحمد دياب وإخراج محمد دياب.
