هاني رمزي: معنديش خلاف مع محمد رمضان.. وهو قصد يعمل تريند لما ندهت عليه باسم والده
تقام الأن فعاليات مهرجان شرم الشيخ الدولي للمسرح الشبابي، وذلك بحضور عدد كبير من النجوم ومنهم إلهام شاهين والتي حملت النسخة الجديدة من المهرجان على اسمها، أيضًا قدمت جنات حفل الافتتاح.
هاني رمزي معنديش خلاف محمد رمضان
وعلى هامش فعاليات مهرجان شرم الشيخ قال هاني رمزي في تصريح خاص لـ القاهرة 24: أنا معنديش خلاف مع أي حد، أنا في حالي جدًا ولا بدخل في تفاصيل حياة ولا نزاعات في شغل ولا نزاعات على ستات، ولا خلاف على فلوس، وكل اللي بيتقال على السوشيال ميديا انا ماليش علاقه بيه اطلاقًا، ومحدش هيلاقي خلاف بيني وبين أي حد إلا لو حد اصطنع هذا الخلاف.
وأضاف: محمد رمضان زعل لما قولتله يا رمضان مش محمد رمضان ومفهمتش هو زعل ليه ولحد دلوقتي مش فاهم، ومعرفش هو زعلان ليه ولكن أعتقد أنه كان قاصد يعمل ترند، واتكلمنا بعد كده وقالي أنا كنت بهزر.
واستكمل قائلًا: أصريت أحضر عزاء والده لأن الواجب مينفعش حد يقصر فيه وأنا بحبه على المستوى الفني جدًا، وأنا ممكن محضرش أفراح لكن في العزاء والواجب لازم أعمله.
وينتظر هاني رمزي خلال الفترة المقبلة عرض مسلسل بدون مقابل، تأليف حسام موسى وإخراج جمال عبد الحميد وإلى الأن لم تحدد الشركة المنتجة موعد نهائي للعرض خاصة بعد أن تم تأجيله أكثر من مرة.
