كان خارج من الدرس.. عم صغير نادي الزمالك يستغيث من هجوم كلب شرس عليه: قطع كتفه وكان هيموت
تجري النيابة العامة بالجيزة تحقيقاتها في حادث هجوم كلب شرس على ناشئ كرة السلة بنادي الزمالك خلال خروجه من درس خصوصي داخل فيلا بمنطقة حدائق الأهرام.
هجوم كلب شرس على طفل
وكشف محمد رشدي عم الضحية لـ القاهرة 24 تفاصيل الحادثة المأساوية التي تعرض لها الصغير مالك أحمد رشدي ناشئ نادي الزمالك خلال خروجه من درس خصوصي في أحد الفيلات بحدائق الأهرام قائلًا: ابن أخويا أول ما خرج من البوابة عشان كان رايح نادي الزمالك بيلعب كرة طائرة هناك، تفاجئ بهجوم الكلب على كتفه لدرجة أنه قطع جسمه ولولا ستر ربنا كان زمانه مات.
وأضاف رشدي: في الوقت ده لولا مرور عامل دليفري من الطريق ومشاهدته للواقعة، وأنقذ الولد من الكلب وخبطة بالموتوسيكل، وبعدها روحنا به المستشفى وعملنا كل الإجراءات اللازمة، مضيفًا: العيلة اللي عندهم الكلب هربوا كلهم من الفيلا وحتى معتذروش عن اللي حصل.
وأكد: مش هنسيب حق ابننا وعملنا كل الإجراءات القانونية عشان الكلاب دي متبقاش موجودة في مصر وتأذى ناس تانية، ده كمان الجيران عندهم نفس المشكلة مع الكلب.
وفي وقت سابق، شهد أحد الكمبوندات الشهيرة بمدينة الشيخ زايد واقعة مؤسفة، بعد أن عقر كلب شرس طفلة صغيرة، ما أسفر عن إصابتها بجروح استدعت نقلها إلى المستشفى لتلقي العلاج.
