أبرز تصريحات زينة مع لميس الحديدي: الراجل الحقيقي اللي مش بيجيب سيرة الستات
قالت الفنانة زينة إن اسم مسلسل ورد وشوكولاتة، لا يعكس المعنى الحقيقي للورد والشوكولاتة، حيث إنها داخل العمل تعكس أجواء ظاهرها الحب والشوكولاتة كقصة رومانسية، لكنها في الواقع تحمل جانبا آخر مأساويا.
وتابعت زينة خلال لقاء ببرنامج الصورة الذي تقدمه الإعلامية لميس الحديدي على شاشة النهار: الموضوع صعب جدًا، والكاتب والسيناريست محمد رجاء كاتب موضوع متكامل، كاتب السيناريو والأحداث بشكل متكامل، والمرحلة الزمنية وقفزات الأحداث بشكل محصلش.
وتابعت: محمد رجاء كتب عمل في تسلسل زمني وسيناريو متكامل، وكأنه سينفونية، وعن شخصية مروة ومدى حبها لها قالت: حبيتها جدًا وصعبت عليا، لأن الأب والأم من المفترض ‘ن هما من يتولون رعاية أبنائهم ويقرروا كيف سيكونون في المجتمع، ولما يبقى فيه تقصير، الأولاد يتأثروا ويبقوا ضعاف، أو عدم تركيز الأم معاهم في التربية وتطلع بنت محرومة من أبوها، طلعت ضعيفة وتبدو قوية في حياتها عشان تواجه المجتمع، لكنها ضعيفة وغلبانة ومحتاجة اللي يطبطب عليها، لأن اللي بيربي غائب عنها سواء الأم أو الأب، ولذلك هي شخصية هشة.
وأضافت زينة على سؤال الإعلامية لميس الحديدي حول شخصية مروة في مسلسل ورد وشوكولاتة، الذي وجهته لها خلال استضافتها، قائلة: إزاي مروة حبتيها وهي شخصية خطفت زوج من زوجته وعاشت علاقة توكسيك حتى النهاية وحاولت استغلاله؟ لترد زينة قائلة: ده غلب، وأنا مش مع اللي تعمل كده أصلًا، لكن اللي تعمل كده غلبانة، لأن الشخص ده مؤذي، وزي ما أذى اللي قبلها سوف يؤذيها هي الأخرى لأنه شخص مؤذي بطبعه.
كما ذكرت أن وصف "توكسيك" لا يكفي للحكم على هذه العلاقة، قائلة: ده شخص مؤذي ومش عيان، ولا يمكن أن نطلق عليه كلمة رجل لأنه منقوص الرجولة، ووصف توكسيك وصف شيك لكمية انعدام الأخلاق التي يعاني منها.
وأضافت زينة عن مفهوم معنى الرجل بالنسبة لها: والدي كان راجل، وولادي هيطلعوا رجالة، كل من يحترم نفسه والآخرين ومضحي وطيب، ومش بيجيب سيرة ستات، وبيحافظ عليهم ويعتني بفكرة العشرة والمودة وكل من هو رحيم وجدع راجل، وفيه ناس كتيرة كويسة والراجل تبقى كل عيلته رجالة.
وأكدت الفنانة زينة أن الحنية في التربية تخرج رجالًا للمجتمع، قائلة: الحنية مش بتطلع متدلعين زي ما الناس فاكرة، بتطلع رجالة، الحنية لا تعني الدلع، لما نعلم أولادنا الحنية في تربيتهم، لما يكبر هيبقى حنين على أمه ومراته فيما بعد.
وتابعت: الحنية والقلب مش ضعف، واللي يفتكر إن الحنية والقلب ضعف يبقى غبي، مش بيفكر حتى في علاقات الصداقة، لما تكون الصديقة حنينة هتلاقيها بتخاف عليكي بجد.
وواصلت: أنا مش بقول أبقى هبلة، ولكن حنينة، وهناك فارق كبير بينهما، وأنا حنينة طالعة لأبويا وأمي بشكل رهيب.
وعلقت الحديدي: بس بيقولوا أنك وحش في الاستوديو واللوكيشن وقوية وبتاخدي حقك؟ لترد: وحش في اللوكيشن، ومحدش بيضايقني لو حد عمل حاجة بفوت مرة، والتانية بعد كده مش باخد أكشن، يبقى مش هشوف الشخص تاني.
وسألت الحديدي: حتى لو ممثل أو مخرج عملوا حاجات تضايقك وقدموا ليكي عمل تاني قوي وممتاز، ترفضي تشتغلي معاهم؟ لترد قائلة: مستحيل أشتغل معاهم تاني. وربنا اللي بيرزق، وهو اللي خلقني، محدش هيعمل حاجة أكتر من أن ربنا خلقني وفيه ناس ممكن تقول أكل عيشك؟ وده مش صح، لأن رزق ربنا مكتوب، هتاخده سواء بكرامة أو بلا كرامة. الرزق مكتوب
