هاني محروس: مفيش خلاف مع مصطفى حجاج وهو مطرب جامد
نفى المنتج هاني محروس، ما تردد خلال الفترة الماضية حول وجود خلافات بينه وبين المطرب مصطفى حجاج، مؤكّدًا أن العلاقة بينهما جيدة ولا يوجد أي خلاف كما تردد.
هاني محروس مفيش خلاف بيني وبين مصطفى حجاج وهو مطرب جامد
وقال هاني محروس خلال لقائه مع القاهرة 24: مفيش أي خلاف بيني وبين مصطفى حجاج كما أشيع، وهو مطرب جامد واحنا مستمرين مع بعض ومفيش أي حاجة.
ومن جانب آخر، سبق وأكد مصطفى حجاج عدم صحة ما تم تداوله مؤخرًا بشأن وجود خلافات بينه وبين المنتج هاني محروس، وقال في لايف له على صفحة التواصل الاجتماعي فيسبوك، إن محروس يعد أستاذه وقدوته، وممكن يكون في شوية زعل في حاجات بسيطة، لكن في النهاية مرجوعي الأول والأخير لهاني، وهو شريك النجاح، وممكن أدلع عليه وأعمل حاجات تزعله، بس عمرها ما تكون مشكلة.
وأشار إلى أن بعض الصحف تناولت أخبارًا غير صحيحة حول وجود أزمة بينهما بسبب عقد الاحتكار أو تدخل شركة الإنتاج في اختياراته الفنية، مؤكدًا أن هذا غير صحيح تمامًا، مضيفًا: هو زى الفل معايا، وأنا بعمل الأغاني اللي عايزها، وكتر خيره.
وأوضح المطرب أنه مرّ بفترة زعل بسبب أمور شخصية، قائلًا: أنا ممكن أكون متأثر شوية، بس بشتغل وربنا يكرمني، وبسعى أقدم حاجات مختلفة ومش عايز أعمل أي عبث وأنا في مكان تانى وده رأى جمهوري.
