ميدو عادل: مبظهرش مع أولادي علشان ميقولوش أنا ابن فلان.. والفن أجمل نعمة خلقها ربنا
تحدث الفنان ميدو عادل عن حياته الأسرية ورؤيته للفن والسوشيال ميديا، كما تطرق للحديث عن سبب عدم ظهوره مع أبنائه على السوشيال ميديا.
ميدو عادل: مش بظهر مع أولادي علشان ميقولوش أنا إبن فلان.. والفن أجمل نعمة خلقها ربنا
وقال ميدو عادل خلال لقائه مع القاهرة 24: أكبر معاناه بتوجهني في الجواز إني أطلع بني آدم صالح في المجتمع ده، والناس كانت متضايقة مني علشان قولت إني مش مع فكرة الجواز قبل كده أنا بشوف إن مدام اتجوزت فا أنت دلوقتي مسؤول ولازم تكون قده.
كما أعرب ميدو عن رغبته الشديدة في أن يدخل أبناؤه مجال الفن، موضحًا أن الفن أجمل نعمة ربنا خلقها وفيه كل أشكال الإبداع وقال: أتمني إن أي حد فيهم يكون عنده موهبة لأن الفن من أجمل النعم اللي خلقها ربنا بكل أشكالها يا ريت أولادي يدخلوا المجال ده.
أما عن سبب عدم ظهوره مع أولاده على السوشيال ميديا قال:مبظهرش مع أولادي علشان بخاف حد منهم يقول أنا بنت أو إبن فلان… ده شيء مش حلو انسانيًا.
أما عن السوشيال ميديا قال: السوشيال ميديا دي أكبر كذبه في العالم كل الناس بقت نقاد وإعلاميين وفنانين وحقيقي بتخرب بيوت أنا لحد ما أموت هفضل مبحبش السوشيال ميديا.
أعمال ميدو عادل
جدير بالذكر، أن ميدو عادل شارك مؤخرًا في موسم رمضان المقبل 2025، من خلال مسلسل حكيم باشا، والذي لعب بطولته الفنان مصطفى شعبان، وشارك فيه كل من الفنان رياض الخولي، سهر الصايغ، أحمد فهيم، سلوى عثمان، سارة نور، سلوى خطاب، محمد نجاتي، أحمد صيام، وغيرهم، والعمل من تأليف محمد الشواف، وإخراج أحمد خالد أمين.
