ياسين منصور: الأهلي سبب سعادة المصريين.. ورعايته أعلى من أي ناد بمصر
تحدث ياسين منصور نائب رئيس النادي الأهلي، عن رؤيته للعمل داخل القلعة الحمراء خلال السنوات المقبلة، وذلك بعد توليه منصبه عقب انتخابات الأهلي في أواخر أكتوبر الماضي.
ياسين منصور يتحدث عن رؤيته للعمل في الأهلي
وقال ياسين منصور في مقابلة مع شبكة سكاي نيوز: الأهلي أكبر نادٍ في العالم، وطول عمره كبير، وأنا عملت مع صالح سليم في مجلس الإدارة، ثم حسن حمدي والآن مع الخطيب، وجميعهم قدموا تفان تام في حب الأهلي.
وتابع: الأهلي هو الحاجة اللي بتسعد المصريين، وأشعر أن ربنا حاططني في مكان أقدر أعمل فيه حاجة، حتى لو صغيرة تسعد 70 أو 80 مليون داخل وخارج مصر.
وعن رؤيته للسنوات المقبلة، أوضح نائب رئيس الأهلي: ملف الناشئين مهم جدًا، مصر فيها 110 ملايين، أكيد فيهم 20 أو 30 موهبة بحجم محمد صلاح، لكنها عايزة عين تعرف تستثمر فيهم، وده محور تركيزي مع الكابتن محمود الخطيب وسيد عبد الحفيظ المسؤول عن نشاط الكرة في المجلس.
وواصل: الملف الآخر، هو كيفية التعاون مع الدولة لزيادة دخل النادي، خاصة إن الأهلي نجح فترة إنه يجيب رعاة بأرقام كبيرة جدًا، أعلى من أي نادٍ في مصر، لأن العلامة التجارية لـ الأهلي هى الأقوى في الشرق الأوسط وإفريقيا، ومفيش علامة تانية تنافسه.
وأوضح: الأرقام اللي الأهلي بيحققها ممكن ترتفع 10 أو 20 ضعفا لأنها ممتازة أصلًا، لكن عندها فرصة للنمو، مشيرًا: تذاكر المباريات تمثل من 25 إلى 30% من الدخل لأندية أوروبا، في مصر النسبة لا تتعدى 1%.. ليه؟ لأن تجربة الذهاب للمباراة في الاستاد نفسها مش مريحة والناس بتروح قبل المباراة بـ 4 ساعات وتنتظر في الشمس.
واختتم ياسين منصور تصريحاته: لازم نتعاون مع الدولة والجهات المعنية بحيث الناس تروح قبل الماتش بخمس دقايق، تلاقي كرسي برقم محدد تقعد عليه من غير مشاكل، وتحسين التجربة دي هيغير دخل النادي الأهلي بشكل كبير.
