أشرف صبحي: من الوارد صدور قرار الأسبوع المقبل بشأن أرض فرع الزمالك بـ 6 أكتوبر
تحدث الدكتور أشرف صبحي وزير الشباب والرياضة، عن مستجدات الأزمة المتعلقة بأرض فرع نادي الزمالك بمدينة السادس من أكتوبر.
وفي تصريحات تليفزيونية، قال الدكتور أشرف صبحي: يمكن الأسبوع الجاي يكون فيه قرار بعد الإجراءات اللي بس نخلصها حكوميًا.
وأضاف: لكن الأكيد لجماهير الزمالك وأنا من أول يوم بقول مش هنسيب أي مؤسسة يعني، وكل مؤسساتنا مش هنسيبها.. لكن في إجراءات عشان منضطرش يبقى في إجراء عشوائي ويحصل في مشكلة قانونية
واستطرد وزير الشباب والرياضة: إن شاء الله يمكن الأسبوع الجاي يكون فيه حل وإحنا يعني برضه فيه كلام مع إدارة النادي، الحلول موجودة وأكيد مش هنسيب مؤسسة كبيرة.. دي رسالة الطمأنينة اللي أنا قلتها من أول يوم.
واختتم الدكتور أشرف صبحي تصريحاته: أنا حاسس بجماهير الزمالك كمسؤول يعني رياضي.. حاسس بجماهير الزمالك.. أنا مبتكلمش إن أنا وزير رايح للزمالك أو الأهلي.
