سائق سيارة إسماعيل الليثي بالحادث وتسببه في وفاة 5 أشخاص: مكنش فيه نور بالطريق والعربية التانية خبطت فيا|خاص
قررت جهات التحقيق بالمنيا، إحالة سائق سيارة الفنان إسماعيل الليثي، المتسبب في وفاة 5 أشخاص وإصابة آخرين إلى المحاكمة الجنائية، على خلفية اتهامه بالقتل الخطأ، إضافة إلى قيادته تحت تأثير المواد المخدرة، في الواقعة التي شهدت وفاة المطرب الراحل.
سائق سيارة إسماعيل الليثي بالحادث وتسببه في وفاة 5 أشخاص: مكنش فيه نور بالطريق
وينفرد القاهرة 24 بنشر نص التحقيقات في القضية التي حملت رقم 3902 لسنة 2025 كالتالي:
س: ما الذي حدث بشأن الحادث؟
ج اللي حصل إني كنت شغال سواق وكنت واخد فرقة مطرب اسمه إسماعيل رضا إسماعيل، وشغال سواق شخصي ليه، وكنت هوديهم فرح في أبنوب في أسيوط، وبعد ما وديتهم الفرح والفرح خلص وإحنا راجعين من أسيوط رايحين القاهرة وفي طريق بني حسن اللي يطلع على الطريق الصحراوي الشرقي وأنا سايق لقيت عربية جاية في المقابل بتاعي، وهو إداني نور وإنا إديته نور وأنا رحت واخد يميني وبعد كدة حصلت الحادثة ومحستش بنفسي غير وأنا في عربية الإسعاف، وبعدها ودوني على مستشفى ملوي وطلعت من المستشفى وجابوني على هنا.
س: وما هي السرعة التي كنت تسير عليها؟
ج: أنا كنت ماشي على سرعة 100 - 110 كيلو متر.
س: وما هي حالة الضوء والرؤية في الطريق وقت الحادث؟
ج الدنيا كانت ضلمة علشان مفيش نور على الطريق غير نور العربيات.
س: وهل قمت باستخدام آلة التنبيه أو الفرامل آنذاك؟
ج: أيوة أنا استخدمت الفرامل والكلاكسات والنور.
س: وهل كان بإمكانك تفادي وقوع الحادث؟
ج: أنا حاولت أفادي العربية ورحت اتحدفت على اليمين وهو دخل فيا بالعربية.
