إبراهيم فايق يفتح النار على أبو ريدة بعد خروج منتخب مصر من كأس العرب
وجه الإعلامي إبراهيم فايق، انتقادات قوية إلى هاني أبو ريدة رئيس اتحاد الكرة المصري، بعد إخفاق منتخب مصر في بطولة كأس العرب وخروجه من دورها الأول بعد الخسارة بثلاثية أمام الأردن في الجولة الأخيرة لدور المجموعات بالبطولة.
وفي تصريحات تليفزيونية عبر شاشة قناة mbc masr قال إبراهيم فايق: يا باشمهندس هاني أبو ريدة عاجبك المنظر ده؟ إحنا لا حول لنا ولا قوة.. مش قدها منطلعش بالمنتخب.. ده يرضي مين؟.
وأضاف فايق: جمهور مصر هيموت والناس بتغلي من الماتش الأول.. الماتش لو قعد لبكرة الفجر مش هنسجل.. أنت يا هاني أبو ريدة اللي تتحمل المسؤولية.. جبت حلمي طولان وأنت عارف إنه مش على وفاق مع حسام حسن.
وأكمل فايق: هاني أبو ريدة هو المسؤول عن المهزلة دي.. وكابتن حلمي طولان يتحمل المسؤولية باختياراته واللاعيبة بتتحمل المسؤولية.. ده واحد من اللاعيبة راح اتخانق مع الجمهور.. هو ده منتخب مصر؟ لو في أي مكان في الدنيا شاف المنتخب ده هيحاسب المسؤولين ومش هيتسابوا.
