عمر حسن يوسف يرد على أنباء دخوله الفن بالواسطة: الناس بتطلع تعايرني بحاجة مش صح
أعرب الفنان عمر نجل الفنان الراحل حسن يوسف، عن استيائه الشديد من هجوم بعض الأشخاص عليه واتهامهم له بدخوله الفن بالواسطة.
وظهر عمر في فيديو عبر حسابه على فيسبوك ليوضح ذلك الأمر قائلا: أنا أول مرة أتكلم أنا في حاجة حابب أوضحها.. الناس بتطلع تعايرني بحاجة مش صح ومؤخرا حد زميل كتب كلام على منتخب مصر فأخدت الكلام حطيته عندي وهو رد قالي عالأقل مدخلتش مثلت بالواسطة زيك.
وتابع: ممكن تسأل مين دخل بالواسطة ومين لا وعيب على سنك لما تقول كدة فاقولت لازم أوضح واللي دخلوني الشغلانة أحياء يرزقون ومنهم أستاذ محمد العدل، وعمري ما قولت لأبويا إني عاوز أمثل ولما جالي فيلم والدي نصحني وقتها أركز في دراستي الفيلم متعملش من وقتها وكنت متحمس جدا ووالدي عمره ماتوسط لي في شغل ولا توسطلي كان زماني شغال دلوقتي واللي عارف والدي شغلني واسطة يطلع يقول.
عمر حسن يوسف يرد على أنباء دخوله الفن بالواسطة
وفي سياق آخر، سبق وأكد الفنان عمر حسن يوسف أنه لم يدخل مجال الفن بواسطة والده الفنان حسن يوسف، مشيرًا إلى إن جميع أعماله جاءت له بعيدًا عن والده، حيث قال خلال تصريحاته لـ القاهرة 24: أنا مدخلتش مجال التمثيل بواسطة والدي حسن يوسف، وعمري ما اشتغلت دور بسبب واسطته، ولو بشتغل بالواسطة مكنتش هقعد من التمثيل 6 سنوات.
واستكمل عمر حسن يوسف حديثه عن عمله مع المخرج محمد سامي، حيث عمل معه سابقا في مسلسل الأسطورة عام 2016، قائلا: بحب الشغل مع محمد سامي وحققت معاه نجاح كبير بمسلسل الأسطورة، ولكن مش بسأله على أدوار أشتغلها معاه لأنه عارفني وعارف إني موجود، ولو عايزني هو هيقولي.
جدير بالذكر أن عمر حسن يوسف كان كشف أسباب ابتعاده عن التمثيل لسنوات، إذ أوضح: مش موجود الفترة دي على الساحة الفنية عشان بشتغل حاجة تانية جنب شغلي، والشللية بقت حاكمة، الناس بتشغل صحابهم وصحاب صحابهم وناس كتير موهوبة مش بتشتغل، ومعرفش إيه السبب.
