جنش يرد على اتهامه بالتفويت لـ الزمالك خلال وجوده في مودرن سبورت
اعترض محمود عبد الرحيم جنش حارس مرمى الزمالك ومودرن سبورت السابق، والاتحاد السكندري الحالي، على فكرة اتهامه بالتفويت لـ نادي الزمالك خلال وجوده في صفوف نادي مودرن سبورت.
تصريحات جنش
وقال جنش في تصريحات مع أحمد شوبير ردًا على اتهامه بالتفويت لـ الزمالك خلال وجوده في مودرن سبورت: عمري ما أفوّت أي مباراة.. وهو أنا هخاف من جمهور الزمالك ومش هخاف من ربنا؟.
وأضاف: في الكورة مفيش حاجة اسمها كدة، وبنزل أموّت نفسي عشان أكسب لأن دا رزقي وأكل عيشي وعيش عيالي.
وأشار جنش في تصريحاته: الجمهور المنافس هو اللي بيصوّر كدة.. واتهامي بالتفويت باطل، وما يحدث هو سوء توفيق لا أكثر ولا أقل.. والتفويت لا يرضي ربنا.
وأتم تصريحاته قائلًا: هذا أكثر هجوم أحزنني لأنه خارج كرة القدم.. واللي بيقول كدة هيقابل ربنا ازاي؟، أنت لما تطلع تريند على قفايا مثلًا يومين هتطلع فوق عند ربنا تعمل أي؟ هتتشوي.
