محامي شيرين عبد الوهاب: الفنانة لم تعتزل الفن ولا تعاني من أي أزمات مادية
طالب ياسر قنطوش، المحامي بالنقض ومحامي الفنانة شيرين عبد الوهاب، وسائل الإعلام ومواقع الأخبار بتحري الدقة في نشر الأخبار المتعلقة بالفنانة، وهذا من خلال مداخلة هاتفية لـ برنامج الصورة.
شيرين لم تعتزل الفن
وقال ياسر قنطوش: بطلب من كل المواقع وصفحات السوشيال ميديا، تحري الدقة شيرين عبد الوهاب، كل يوم تلاقي حاجة مكتوبة عنها ومحصلتش، أنا شخصيًا محامي ومستشار وبتفاجئ، وتفاجأت إن مستشار ومحامي الموسيقار والموزع محمد مصطفى تفاجأ بخبر منعها من رؤية بنتيها.
وأضاف: شيرين كويسة طول الوقت، عندها شغل بتشتغل عليه حاليًا، وبتحضّر لأغاني ومفاجآت، وربنا يقويها وتبقى أحسن وأحسن، وهو صوت لا يختلف عليه أحد.
واستكمل قائلًا: شيرين في بيتها في مصر وبتعيش حياتها بشكل عادي، والبنات معاها، وبيتبادلوا الزيارات بين الأب والأم، ولا يوجد أي مشكلة بينهما، ولا يوجد أي منع من قبل الأب، الزيارات متبادلة، وحتى هو شخصيًا مستغرب من الخبر، وأمورها المادية ممتازة جدًا، ولديها ثروة عقارية ضخمة، نمسك الخشب، وحساباتها المصرفية منتظمة.
ونفى أن يكون لديها نية الاعتزال، قائلًا: مافيش الكلام ده، هي مكملة، ولديها أغاني ستطرح قريبًا، وهناك موزعون وملحنون بيتابعوا معاها وبيتعاملوا معاها في الفترة الحالية.
وردًا على سؤال الإعلامية لميس الحديدي: هل برأيك تحتاج لفترة تعافٍ حتى تعود للناس؟ قال: أي حد بيدخل في أزمة أو مشكلة مع حد بياخد وقت عشان يتعافى، بصرف النظر إن مشاكل شيرين وأزماتها كانت كثيرة مع شقيقها وطليقها حسام حبيب، وهو طليقها، وإحنا بنتكلم كتير تليفونيًا، ولما بيكون في حاجة مهمة بنتقابل، وآخر لقاء كان منذ شهر.
