روقا: اللي حصل معايا في الزمالك كان صدمة كبيرة.. وكنا بندفع من جيوبنا علشان نشتري زجاجات المياه

تحدث محمد أشرف روقا لاعب حرس الحدود الحالي والزمالك السابق، عن الفترة التي قضاها في القلعة البيضاء، كما كشف كواليس رحيله عن الأبيض.

الزمالك يستعيد ناصر ماهر خلال مواجهة حرس الحدود

الزمالك يواجه الاتحاد والأهلي يلاقي الجزيرة في ثاني جولات دوري أليانز لكرة السلة.. اليوم

تصريحات محمد أشرف روقا

وقال محمد أشرف روقا خلال تصريحات تليفزيونية قبل قليل: 12 مباراة مع نادي الزمالك قدمتني بشكل أفضل من 10 سنوات في ناشئي الأهلي.

وواصل روقا: اتفاجئت بوجود بند في عقدي يتيح لنادي الزمالك فسخ التعاقد من طرف واحد، بعد آخر مباراة في الدوري.

وأضاف: اللي حصل معايا كان صدمة كبيرة، لأني كنت بوقع عقدي مع الزمالك على بياض.

وأكمل: مجلس إدارة الزمالك الحالي لولا ممدوح عباس مكانش هيكمل أسبوع واحد، لأنه دايمًا بيتدخل لحل أي مشكلة داخل الفريق.

وواصل: في لاعبين داخل الزمالك اضطروا يبيعوا عربياتهم بسبب عدم الحصول على مستحقاتهم المالية.

وأكد روقا: كان بيعدي عليا 4 و5 شهور من غير ما آخد فلوسي، وكنت ساكت لأني واثق إني هاخد حقي، لكن في الآخر اضطريت أشتكي لما رفضوا يدفعولي.

وتابع: كنا بندفع من جيوبنا علشان نشتري أزايز المية، ومفيش سيولة، وجوميز كان بيدفع معانا، وكنا بنجمع زجاجات المياه من على الأكل في الفندق علشان ناخدها الماتش، بسبب عدم توفر فلوس.

وأكمل: هل طبيعي لاعب ياخد السوبر الإفريقي مع الأهلي ويمشي بالطريقة دي؟

واختتم: اللي هيقول إن دي أسرار فريق لأ دي مش أسرار، دي معاناة ولسه في لعيبة بتعيشها دلوقتي.