وليد خليل: تواصلنا مع الزمالك لضم ناصر منسي.. والأهلي طلب يحيى زكريا
تحدث وليد خليل، رئيس نادي غزل المحلة على نتائج فريق غزل المحلة في بطولة الدوري الممتاز الأخيرة، وموقف النادي من التفريط في خدمات يحيى زكريا.
تصريحات وليد خليل رئيس غزل المحلة
وقال وليد خليل في تصريحات تلفزيونية: أنا معترض على مقولة ملك التعادلات لأني كسبت 3 أو4 مباريات، وناصر منسي إضافة قوية وتواصلنا معه لانضمامه لغزل المحلة في يناير ونتمنى تواجده.
وتابع رئيس نادي غزل المحلة: هنتعاقد مع 3 أسماء مش هقول أسماءهم وفيه مسؤولين في الأهلي ووكلاء اتكلموا عن يحيى زكريا لكن مفيش حاجة رسمية من جوه مصر، لكن الرسمي من بره مصر ومفيش حاجة رسمية، وسأوافق على رحيل اللاعب لشقين رغبة اللاعب والأموال، وأي لاعب ينتقل من المحله لازم يروح نادي كبير.
وأكمل رئيس غزل المحلة: مش عارف هناخد رعاية إمام عاشور امتى ومشكلتنا مش الأهلي إحنا اتكلمنا مع الفيفا والمفروض ناخد فلوسنا من 6 شهور لكن مش عارف، وأنا مش بيني وبين الأهلي شكوى وبنا علاقة قوية جدا، لكن أنا بحفظ حقي عشان كده اتكلمت مع الفيفا
وواصل وليد خليل: عندنا 600 ألف دولار لشباب بلوزداد بعد انتقال بن حمودة، وأصبحت 120 ألف دولار حقوق رعاية إمام عاشور وليست 96 ألفا، وأنا بحب الأهلي وهو اللي مشرفنا في المحافل
واختتم رئيس نادي غزل المحلة: لو عليا أنا أتنازل عن مستحقاتي للأهلي، لكن دي حقوق ناس تانية فغصب عني مش بمزاجي.
