مستشهدًا بجوميز.. روقا يواصل الهجوم على عبد الواحد السيد وأيمن عبد العزيز
واصل محمد أشرف روقا لاعب نادي الزمالك السابق حديثه عن أزمته المثارة مع عبد الواحد السيد مدير الكرة السابق بالزمالك وأيمن عبد العزيز مدرب الفريق السابق.
روقا يواصل الهجوم على عبد الواحد السيد وأيمن عبد العزيز
وكتب روقا من جديد عبر صفحته على موقع التواصل الاجتماعي إنستجرام قائلًا: آخر مرة هتكلم فيها بخصوص الموضوع اللي اتكلمت فيه إمبارح ده الشات اللي جوميز بعتهولي عشان يتكلم معايا كان يوم 7/10 وكان آخر ماتش اللي هو الجيش في الكأس كان 8/21 باين يعني فيه مدة شهر و15 يومًا، مظنش أن هيكون فيه مدرب كاتب تقرير في أنه يمشي وهيكلمه بعد ما يمشي بشهر ونص ويشكرني على الفترة اللي قضتها في النادي وأنه لقاني من أكثر اللاعبين اللي لعبت ماتشات في الكونفدرالية.
وأضاف روقا: أنا إما ذكرت اسمك يا كابتن عبد الواحد عشان أنت عارف أنا بحبك إزاي وبحترمك وكنت فاكر إن حضرتك هتقول كلمه حق إما حد يكلمك في الموضوع، وحضرتك قولت إن جوميز هو اللي كاتب تقرير بالناس اللي هتمشي، وكان اسمي فيها طيب وقسما بالله وقسم أتحاسب بيه قدام ربنا حضرتك قولتلي إن مجلس الإدارة اللي مبلغك بمشياني، وأنا معنديش مشكلة في حاجة مع حضرتك أنا بحترمك وبحبك وحضرتك عارف كده.
واختتم حديثه: أما بالنسبة للكابتن أيمن عبد العزيز حبيت بس أوريك إني مبعلقش حاجة على شماعة أو بتحجج زي ما قولت لأن أنت مدرب أهو ومقتنع إن الكرة مفهاش تكتيك فأكيد يعني مش هتكلم لاعيب عندك أنت ممشيه وهتشكره مساءك فل.
