بشرى: واثقة في موهبتي.. وسبت المهرجانات والإنتاج علشان أركز في التمثيل
كشفت الفنانة بشرى حقيقة ما تردد بشأن غيابها عن الساحة الفنية خلال الفترة الأخيرة، مؤكدة أنها مسؤولة عن كل ما يصدر عنها من تصريحات، وأنها تتحدث دائمًا من وجهة نظرها، لكن أحيانًا يتم فهم كلامها بشكل خاطئ.
بشرى: سبت المهرجانات والإنتاج علشان أركز في التمثيل
وقالت بشري خلال لقائها مع القاهرة 24: أنا مسؤولة عن اللي بيطلع من لساني، وبقول الحاجات من وجهة نظري، وساعات بتتفهم غلط، وأنا مش بستغيث ومش بدوّر على شغل، وأنا واثقة من نفسي وموهبتي الحمد لله، ونجمة في مكاني ومكانتي محفوظة، وخدت جوائز كتير.
وأضافت بشري: بيحصل أحيانًا نوع من الاستبعاد بسبب كلام بيتقال عني إني مشغولة بالإنتاج والمهرجانات، وده غير حقيقي لأني تركت ده كله وحاليًا مركزة في شغلي كفنانة، وأي كلام بيتقال في ضهري بحب أصحّح المعلومة لأن الجمهور لما بيشوفني بيسألني ليه مش موجودة، وفعلًا معاهم حق.
واختتمت بشرى حديثها: ليه فنانة شاطرة وليها تاريخ كويس وجمهور بيحبها وبيقدّرها تبقى مش موجودة؟، ومش أنا لوحدي، فيه كتير زيي، السوق بقى بيصدّر ناس معيّنة، أستاذ يحيى الفخراني وليلى علوي كانوا بيعملوا مسلسل سنة وسنة لأ، علشان يسيبوا فرصة لغيرهم يشتغلوا، إنما دلوقتي لما بنمسك في حد بنعصره عصر.
آخر أعمال الفنانة بشرى
وعلى جانب أعمال بشرى، يذكر أنها شاركت في موسم رمضان الماضي 2025 من خلال مسلسل سيد الناس، بطولة الفنان عمرو سعد، أحمد رزق، إلهام شاهين، منة فضالي، أحمد زاهر، إنجي المقدم، خالد الصاوي، وغيرهم، والعمل من إخراج محمد سامي.
كما شاركت ضيفة شرف في مسلسل عقبال عندكوا، بطولة الفنان حسن الرداد، إيمي سمير غانم، محمد ثروت، إنعام سالوسة، سليمان عيد، علاء مرسي، وغيرهم، والعمل من إخراج علاء إسماعيل.
