عندي فوبيا من الرجالة.. جيهان قمري: اتجوزت مدني واتطلقت بعد 3 شهور
كشفت الفنانة جيهان قمري، تفاصيل زواجها مدنيًا لمدة ثلاث أشهر، موضحة أنها منذ هذه الزيجة لم تستطيع الإقدام على خطوة الزواج مرة أخرى.
وقالت جيهان قمري، في لقائها بـ برنامج كلام الناس: طليقي اتعلمت التمثيل منه، اتطلقت بعد 3 شهور جواز اتعلمت فيهم التمثيل وخدت دروس، شخصيته اتحولت وبقى متوحش ومريض نفسي، لغاية النهاردة بقول إزاي كنت عبيطة كده.
وأضافت: اتجوزت مدني في قبرص بسبب اختلاف الديانة أنا مسيحية وهو مسلم، و3 شهور جواز حسيتهم 3 سنين، وحاولت معاه أنه يتحسن ولكنه كان صعب، وبقى عندي فوبيا من الرجالة.
جيهان قمري تكشف تفاصيل خضوعها لعملية تجميل
وكانت كشفت جيهان قمري، تفاصيل خضوعها لعملية تجميل، قائلة: عملت عملية تجميل من شهرين ونص وقلت للناس، وفي فترة كان عندي اكتئاب وكنت عايزة أغير حاجة، كان عندي مشكلة حقنت حقنة فيلر غلط والموضوع ده مؤذي جدًا الدكتور حقنلي فيلر دائم عند الجيوب الأنفية، والدكتور الأخير فتحلي من تحت عيني ونضفلي كل الفيلر، والعملية كانت ناجحة واتبسطت بـ در فعل الناس.
وأردفت جيهان قمري: أنا عملت العملية بـ بنج موضعي وروحت بعد 3 ساعات، وبعد 10 أيام كأن مفيش حاجة، وده بالرغم من أن والدتي كانت رافضة من خوفها عليا.
