المخرج شاكر عبد اللطيف يغادر المستشفى بعد خضوعه لفحوصات طبية | خاص
كشف الفنان أحمد شاكر، تفاصيل الحالة الصحية لـ والده المخرج شاكر عبد اللطيف، بعد تعرضه لوعكة صحية خلال الساعات الماضية ونقله إلى المستشفى.
وقال أحمد شاكر عبد اللطيف، في تصريح خاص لـ القاهرة 24: والدي الحمد لله بيتحسن، هو عنده دور الإنفلونزا شديد جدًا وبحذر الناس تلبس كمامات وخاصة كبار السن، والدي غادر المستشفى بعد ما خضع للكشف والفحوصات الطبية، وشكرًا لكل اللي سأل عليه وربنا يبعد الشر عننا جميعًا.
أحمد شاكر: أعظم استثمار ممكن يعمله الفنان إنه يستثمر في نفسه
ومن ناحية أخرى، سبق وتحدث الفنان أحمد شاكر عبد اللطيف، عن إمكانية عمله في مشاريع أخرى غير الفن، قائلًا في لقائه مع القاهرة 24: فيه فنانين بيفكروا في مجالات تانية ولكن أنا شايف أن أعظم استثمار ممكن يعمله الفنان أنه يستثمر في نفسه، لأن هو نفسه مؤسسة فنية ويدير نفسه صح ويلعب رياضة وينام كويس ويبعد عن أي حاجة ممكن تؤذي صحته، وفي الآخر لما بيحافظ على نفسه بيطول عمره الفني والناس لما بتتفرج عليه بتعتبره قدوة إيجابية وبتسعد لما تشوفه في حالة كويسة وأي مشروع جمب الفن، الفن هو اللي يكسب.
