إيمي سمير غانم: كنت بقفل بالمفتاح على أبويا وأمي وقت كورونا وتوفيا بها
حلت إيمي سمير غانم، ضيفةً على برنامج على احدى البرامج التلفزيونية والذي كشفت فيه عن العديد من كواليس حياتها الشخصية والفنية، كيف كانت تتعامل وقت كورونا..
إيمي سمير غانم وقت انتشار فيرس كورونا
وقال إيمي سمير غانم: ماشتغلتش وقت كورونا عشان خايفة عليهم يتعبوا، اشتغلوا هما واتوفوا، كنت بقفل الباب بالمفتاح وقت كورونا عشان بابي ومامي مايخرجوش وكان عندي وسواس وخوف من كورونا، وسبحان الله جالهم هما الأتنين كورونا.
وأضافت: لو حسن إتجوز عليا هايبقى حقه بس هو حسن أصلًا ضد أنه كان يتجوز واحدة فا هيتجوز تاني إزاي، ومستوى الغيرة عندي عالي طبعًا بس دلوقتي ماعنديش وقت، هو عمره ما عرفني باسورد تليفونه بس أنا عندي الطرق اللي بعرف بيها لكن دلوقتي ماعنديش الطاقة إني أدور على الباسورد.
وعن غيابها عن الموسم الرمضاني المقبل قالت: ضعف سيناريو الأعمال الكوميدية هو سبب غيابي وخايفة أقدم جزء ثاني من مسلسل نيللي وشيرهان، لأنه من الممكن ميحققش نفس النجاح اللي حققه قبل ذلك.
أما عن السوشيال ميديا، فأكدت أنها لا تحبها، بسبب كثرة تداول وانتشار الأخبار السلبية، وتعمد البعض التجريح والتشويه في الآخرين، واضافت: نفسي ننام ونصحى نلاقي السوشيال ميديا قفلت.
وعن الأعمال التي أعجبتها مؤخرًا أشادت إيمي بمسلسل أشغال شقة جدًا، وأكدت أنها ستتابع مسلسل ورد وشوكولاتة لأنه يتناول قصة حقيقية.
