خلي بالك على الغلابة.. فيديو لأب يوصي ابنته موظفة البنك على العملاء يتصدر التريند
تصدر مقطع فيديو لـ أب وابنته موظفة البنك تريند منصات التواصل خلال الساعات الماضية، بعد توصيته لها على العملاء الذين تتعامل معهم في البنك.
خلي بالك على الغلابة.. فيديو لأب يوصي ابنته موظفة البنك على العملاء يتصدر التريند
وقال الأب لابنته التي اعتاد توصيلها يوميا: خلي بالك على الناس الغلابة، هيدعولك، وربنا هيفتح عليكي فتحات لا تتخيليها، خاصة الناس بتوع المعاشات والستات الأرامل، لتجيبه: أنا بحاول أساعد العملاء على قد ما بقدر.
وأضاف الأب خلال توجيه النصيحة لابنته: الغلابة بالذات اللي هما على قد حالهم، الأغنياء الموظفين بيحبوهم وبيحترموهم وعايزين يدولهم قروض، لكن الفقراء عندهم 2000 جنيه واللي عنده 1000 جنيه و5000 جنيه، ما بيتبصلهومش، حاولي تساعديهم على قد ما تقدري إنتي.. إنتي متربية وبنت ناس فخلي بالك على الناس الغلابة.
تفاعل مع فيديو الأب وابنته
وتفاعل عدد كبير من مستخدمي مواقع التواصل مع الفيديو.
وقال صاحب أحد الحسابات: أجمل صفة في الإنسان إنه يكون طيب، ما هو النوع ده من الجيل المحترم لازم نلحق نتربي منه عشان نعرف نربي عيالنا، والطيب مهما كان قد إيه بيتبهدل إلا إن الطيبة دايما تكسب، ودايما تشد ودايما جذابة.
