سارة خليفة للمحكمة: إحنا متربيين على الحلال.. وبصلي الفجر كل يوم وبدعي ربنا ينجدني
حوادث
سارة خليفة -أرشيفية
قالت سارة خليفة لهيئة المحكمة: “إحنا متربيين على الحلال والحرام والقرآن، وعمري ما تاجرت في المخدرات، ولا عملت حاجة غلط، وأمي وأخويا عندهم الضغط والسكر، ومايستاهلوش يشيلوا غلطي”.
سارة خليفة لهيئة المحكمة: إحنا متربيين على الحلال وبصلي الفجر كل يوم
وأضافت أمام هيئة المحكمة: أنا كل يوم بصلي الفجر حاضر وبقرأ قرآن وماسكة السبحة ليل نهار وبدعي ربنا ينجدني من اللي أنا فيه، أنا أكتر واحدة غلبانة في الدنيا.
وتابعت: “أنا بساعد كل الناس حتى اللي ممسوك في المخدرات والآداب، ومش بقول لحد لا وده اللي ورطني في المصيبة دي”.
ودفع المحامي محمد حمودة أمام هيئة المحكمة بانتفاء أركان وعناصر جريمة تأليف وتشكيل عصابي للإتجار في المواد المخدرة.
