أول مرة يشوفه.. قاضي الجلسة يسمح للمتهم فتحي الأبيض باحتضان طفله الصغير داخل المحكمة
سمحت هيئة المحكمة، لـ فتحي الأبيض، المتهم الثالث في قضية المخدرات الكبرى خلال جلسة المحاكمة، باحتضان طفله الصغير داخل قاعة المحكمة.
وقال المتهم أمام هيئة المحكمة: أول مرة في حياتي أحضنه وألمسه ده اتولد وكبر وأنا محبوس في حكم بالمؤبد.
وقال فتحي الأبيض: أنا اتنقلت ما بين أكتر من 14 سجنا، غير التخزين خلال فترة حبسي، واستدعوني وأنا محبوس وقالولي إنت متهم في قضية جديدة بالاشتراك مع سارة خليفة في جلب مخدرات.
وأضاف المتهم: أنا أنكرت التهم الموجهة ليا وقلت معرفش أي حد من المتهمين، بعدها عرفت إن أبويا وأمي وأختي ومراتي محبوسين في القضية، فأنا قررت أعترف على نفسي وعلى باقي التشكيل علشان أهلي يروحوا.
وتابع، أنا قلت كده كده واخد مؤبد وهقضي باقي حياتي في السجن فاعترفت، وأنا كنت تيك توكر وبنزل فيديوهات على النت والضباط قالولي إحنا كنا معجبين بيك، وأنا دلوقتي عاوز أثبت إني معرفش حد من المحبوسين في القضية غير أهلي.
