الإعلامي أحمد سالم: مش لازم ننهي العلاقات بالمحاكم.. وأتمنى نتفرج على فيلم الست وإحنا ساكتين

تحدث الإعلامي أحمد سالم عن أهمية الاحترام بين الأزواج بعد الانفصال، كما تطرق للحديث عن الهجوم الذي تعرض له فيلم الست بعد طرحه في السينمات.

الإعلامي أحمد سالم: مش لازم ننهي العلاقات بالمحاكم

وقال أحمد سالم خلال لقائه مع القاهرة 24:  مفيش بني آدم عايز يبقى تعيس أو يدخل علاقة ويفشل، لكن دي مسألة نصيب المهم هو الاحترام خلال العلاقة وبعدها، ومش معناه إن علاقتك بمراتك انتهت إن نلاقيكم في المحاكم، ممكن تبقوا صحاب وتكونوا مع بعض ومع أولادكم، وبتضايق جدًا الفضايح اللي بتحصل بين أي اتنين بيسيبوا بعض.

أما عن الهجوم الذي تعرض له فيلم الست قال: أنا ما دافعتش عن فيلم الست لكن دافعت عن حرية الفن والرأي، إحنا وصلنا لمرحلة إن اللي بيقول إن الفيلم عجبوه بيتشتم، ولو الفيلم ما عجبكش عادي.

وأردف أحمد سالم: بس مينفعش ناخد الفيلم ونعمله أزمة بين بلدين، أو نحوله لمؤامرة خبيثة ضد البلد مينفعش نزايد على وطنية حد، أو نقول إن مروان حامد شرك في مؤامرة ضد مصر أتمنى، إن الكل يسكت ونتفرج على الفيلم واحنا ساكتين.

أحمد سالم

وفي سياق آخر، سبق وكشف أحمد سالم تفاصيل ظهور باسم يوسف في مجموعة حلقات من برنامج كلمة أخيرة، وقال خلال تقديم الحلقة: الأرقام التي ترددت حول باسم يوسف مبالغ فيها وبعيدة تمامًا عن الحقيقة وباسم يوسف سيظهر في مجموعة حلقات متنوعة.