رئيس الوزراء: كان فيه 300 ألف أسرة عايشة في عشش بالشارع وناس ساكنة بالمقابر
تحدث الدكتور مصطفى مدبولي، رئيس مجلس الوزراء، عن جهود الدولة في الإسكان، لافتا أنه تم إنقاذ 300 ألف أسرة كانت تعيش في الشارع.
رئيس الوزراء: من واقع شغلي الدقيق النهاردة العاصمة الجديدة أعلى كمعدل إشغال من التجارب السابقة
أضاف رئيس الوزراء، خلال مؤتمر صحفي عقب اجتماع الحكومة الأسبوعي: البلد دي كان فيها 300 ألف أسرة عايشة في عشش صفيح في الشارع، وكانت مصر بتتعاير وبتتصور الأفلام فى هذه الأماكن وبتحدث فيها كل الجرائم غير الإنسانية اللى ممكن حضراتكم تتخيلوها، الحمد لله قدرنا نوفر للناس دي سكن في أماكن كلكم عارفين شكلها النهاردة.
تابع: ارجعوا للأفلام بتاعت الـ80 و90 وبداية الألفينات وتشوفوا الناس كانت بتسكن المقابر وتشوفوا كابوس كل أسرة ابنها كان هيتجوز هيجيب منين شقة يسكن فيها، الدولة النهاردة قدرت تبني أكتر من مليون ونصف هي لوحدها دا غير شغل القطاع الخاص والأهلي.
واصل: من واقع شغلي الدقيق النهاردة، العاصمة الجديدة أعلى كمعدل إشغال من التجارب السابقة فى المدن الجديدة، القاهرة الجديدة الشيخ زايد والشروق وأكتوبر المدن دي لغاية 2005 ويمكن بعد كده ومكناش عارفين نشغلها، دلوقتي بسم الله ما شاء الله حضراتكم شايفين حجم الإقبال والتزاحم
