جابلي علاج وفضل جنبي.. سائق توصيل يشيد بموقف إنساني لراكب بعد تعرضه لحادث
كايرو لايت
صورة أرشيفية
تداول مستخدمو السوشيال ميديا منشورًا لعامل دليفري يشيد فيه بموقف إنساني وبسلوك إيجابي من أحد العملاء، خلال تعرضه لحادث على كوبري أكتوبر.
سائق توصيل يشيد بموقف إنساني لراكب بعد تعرضه لحادث
وشارك عامل الدليفري منشورًا قال فيه: أنا لسه طالع من حادثة من شوية على كوبري أكتوبر اتقلبت بالموتوسيكل والحمد لله سليمة، بس العميل اللي كان معايا كنت بوصله البساتين أقسم بالله أجدع عميل ممكن تشوفه في حياتك.
وتابع: والله أول لما وقعت قام يطمن عليا وشال الموبايل وجاب مياه، وساق هو باقي المسافة، وبعد ما وصلت حلف يجيب علاج من الصيدلية وعصير، ودفع 30 جنيه زيادة فوق الحساب وفضل معايا لحد ما وقفت على رجلي تاني.
وأضاف: كل ده وهو شاب 17 سنة، وأول لما ركب كنت مقلق منه شوية، بس سبحان الله والله الناس دي قليلة في الزمن.
