2330 فيب و5135 زجاجة ليكويد.. ننشر أقوال المتهمين بسرقة مخزن سجائر إلكترونية بمدينة نصر
كشفت تحقيقات النيابة العامة في واقعة سرقة سجائر إلكترونية، وزيت ليكويد، من داخل مخزن بدائرة قسم شرطة أول مدينة نصر، أنه بتاريخ 22/11/2025، تمكنت القوات الأمنية، وبعد تحريات سابقة وإذن صادر من النيابة العامة، من ضبط 4 متهمين وبحوزتهم عدد 13 كرتونة تحتوي على 2330 سيجارة إلكترونية فيب، و53 كرتونة بداخلها 5135 زجاجة سائل زيت ليكويد.
أقوال المتهمين بسرقة مخزن سجائر الكترونية بمدينة نصر
وبحسب ما ورد بمحضر الضبط، أقر المتهمون بسرقة المضبوطات من داخل مخزن خاص بالمجني عليه محمد مصطفى أحمد محمد، صاحب شركة استيراد، والمقيم بمدينة نصر، وأقوا بتخزين المسروقات في أحد المخازن القريبة من محل إقامتهم، كما أبدوا استعدادهم للإرشاد عنها.
وأضافت التحقيقات أنه وبإرشاد المتهمين الأول والثاني، تم ضبط كمية من الكراتين بداخلها السجائر الإلكترونية، كما تم ضبط المتهم الثالث أثناء استقلاله السيارة المستخدمة في الواقعة، وبمواجهته أقر بدوره في نقل وتحميل المضبوطات.
وجاءت التحقيقات مع المتهمين كالآتي:
س: ما قولك فيما هو منسوب إليك من أنك متهم بالاشتراك مع آخرين معلومين بسرقة المنقولات المبينة وصفًا بالأوراق والمملوك للمجني عليه م م من داخل الحانوت الخاص به وكان ذلك ليلا بواسطة الكسر على النحو المبين بالأوراق؟
ج: محصلش.
س: ما الذي حدث إذًا وما هي ظروف ضبطك وعرضك علينا؟
ج: اللي حصل إن أنا شغال في المقاولات مع واحد، وهو كان عنده شويه شغل فيب تقيل في البيع معاه وعرض عليا ان اخدهم وابيعهم واسدد ثمنهم لما يتباع لكن انا استحرمت ورفضت الشغل فيها وكان ده في حضور م م، اللي راح كلمه من ورايا واتفق ان هو ياخد الحاجه وجه سألني على المكسب ولكن عرفته كمان إن الحاجة صلاحيتها منتهية ولكن هو تمم البيعة معرفش بكام واستلم الحاجة وكنت معاه وهو بيستلم ولما روحنا قويسنا لقينا إن البضاعة فاسدة مش فكرة منتهية الصلاحية بس فكلمنا ك. م، علشان نرجعها وقال مفيش ترجيع وفوجئت يوم الجمعة اللي فات وانا قاعد مع اصحابي في القهوة لقيت حكومة جاية وقالولى إن فيه حاجات مسروقة وراحوا جابوا محمود وتامر وودوني قسم مدينة نصر وعرضوني على النيابة.
س: متي وأين حدث ذلك؟
ج: شراء البضاعة كان يوم ثلاثاء أو أربعاء قدام شارع عباس العقاد مدينة نصر.
س: ومتى وأين تم ضبطك؟
ج: اتقبض عليا يوم الجمعة 21/11/2025 حوالى الساعة 10:30 مساء في كافتيريا في قويسنا المنوفية.
س: وما سبب ومناسبة تواجدك بالمكان والزمان آنفي البيان؟
ج: انا الأول روحت مع محمود علشان كان بيشترى البضاعة ويوم ما اتقبض عليا كنت قاعد مع صحابي
س: ومن كان برفقتك حال شراء تلك البضائع تحديدًا؟
ج: هو كان معايا محمود، وتامر
س ومن كان برفقتك حال ضبطك؟
ج: كان معايا ناس اصحابي.
س: ما صلتك بالمجني عليه تحديدًا؟
ج: معرفوش
س: ومن القائم بضبطك تحديدا؟
ج: الحكومة اللي قبضت عليا
