حازم إمام: مشوفتش الزمالك قبل كده بالمنظر الإداري ده.. ولو المجلس غلطان يتحاسب
أبدى حازم إمام، نجم نادي الزمالك، استيائه وحزنه من الموقف الحالي للقلعة البيضاء، في ظل الأزمات المتكررة سواء على المستوى الإداري أو المستوى الفني فيما يتعلق بالفريق الأول لكرة القدم.
تصريحات حازم إمام
وقال حازم إمام، نجم نادي الزمالك السابق في تصريحات عبر قناة أون: مشوفتش نادي الزمالك قبل كده بالمنظر الإداري اللي هو فيها دلوقتي، وفيه مشاكل كبيرة جدا بالنادي وظاهرة على فريق الكرة بشكل واضح.
وأكمل: حاسس إن الموضوع المرة دي مش زي كل مرة ده أصعب بكثير، والموضوع مش بس كورة الموضوع هو نادي الزمالك
وأضاف حازم إمام: مش عايز أقول كلمة كبيرة بس الزمالك في طريقه لحاجة مش كويسة، وده هيأثر على الرياضة بشكل عام مش كورة بس، لأن الزمالك دايمًا شريك أساسي مع الأهلي في بناء مستقبل المنتخبات الوطنية.
واختتم حازم إمام تصريحاته التلفزيونية قائلا: مجلس الزمالك يقعد أو يمشي ليهم كل الاحترام لكن لو هما غلطوا يتحاسبوا لكن النادي لازم الناس تعامله انه كيان كبير.
