وقع على الأرض ومبينطقش.. ميار الببلاوي تكشف تفاصيل الحالة الصحية لنجلها بعد نقله للمستشفى
كشفت الفنانة ميار الببلاوي عن تفاصيل الحالة الصحية لنجلها بعد نقله إلى المستشفى إثر تعرضه لوعكة صحية مفاجئة.
ميار الببلاوي تكشف تفاصيل الحالة الصحية لنجلها بعد نقله للمستشفى
وقالت ميار في تصريحاتها لـ القاهرة 24: فوجئت برسالة منه بيقولي الحقيني يا ماما، أنا تعبان أوي، وكان عنده حرارة وسعال وصداع في العين حاولت أدي له أدوية بسيطة زي فيتامين سي والمضاد الحيوي والليمون السخن، بس حالته ساءت بسرعة.
وتابعت: لما وصلت البيت لقيت ابني مرمي على الأرض، شاحب ومبيقدرش يتحرك أو يتنفس كويس، وأخدناه فورًا على المستشفى وهناك الدكتور قال إنه عنده أعراض شبه المتحور الجديد، وضربات قلبه كانت سريعة بسبب الحرارة اللي وصلت 40 درجة، وكان صدره مش مفتوح كويس.
وأضافت: المستشفى عملت له جلسات تنفس، وربطوله محاليل ومتابعة دقيقة طول الليل، والحمد لله دلوقتي خرجنا وهو بيتحسن.
ميار الببلاوي
ومن جانب آخر، سبق وكشفت ميار الببلاوي، تفاصيل نجاتها من حريق بـ مطبخ منزلها، موضحة أنها تعرضت للصدمة بسبب الحريق لولا تدخل نجلها واستخدام طفاية الحريق.
ونشرت ميار الببلاوي، مقطع فيديو عبر حسابها بـ فيس بوك، أظهرت خلاله آثار الحريق، وكتبت: ربنا نجاني أنا وابني بأعجوبة، الحمد لله قدرنا نتصرف والنار ممسكتش في بقية المطبخ بس خضة صعبة أوي، كان ماس ونار مش قادرة أتنفس الدخان كان مالي البيت ومازال، طفاية الحريق مهمة جدًا يا جماعة ربنا يستر على الجميع.
