هدى رمزي: معرفش الشيخ الشعراوي.. ومقدرش أرجع للفن مرة تانية
حلت الفنانة هدى رمزي ضيفة على أحد البرامج التلفزيونية، من خلال مداخلة هاتفية، كشفت فيها عن العديد من كواليس حياتها الشخصية والمهنية.
هدى رمزي: معرفش الشيخ الشعراوي ومقدرش أرجع للفن مرة آخرى
وقالت هدى: أنا مكنتش لابسة حجاب، ودايمًا بقول أنا محتشمة ولست محجبة، وبقالي فترة مش لابسة الحجاب لأن ده ليه مواصفات، والشيخ محمد متولي الشعراوي لم يكن السبب وراء ارتدائي الحجاب وقلت قبل كده إني معرفوش خالص ولا عمري قابلته، وأنا مش من النوع اللي الشيخ يقول أو مش يقولي لأن دي علاقة بيني وبين ربنا.
وأضافت: كنت أتمنى أرجع للفن تاني ولكن مش ده البيت اللي أقدر أدخله تاني، الفن مش جديد عليا واتولد معايا من أيام أبويا وهو بيتي وأتمنيت في يوم من الأيام أرجع لكن بعد اللي شوفته قولت لأ واللي بيحصل دلوقتي مش لايق علينا كفنانين.
واستكمت قائلة: أنا بالنسبة ليا بتمتع بحب الناس واحده بتعمل مسلسل أو فيلم تقوم تهرب من الناس طيب أنا بشتغل ليه؟
وأشارت الفنانة هدى رمزي، إلى أنها لم تندم على قرارها بترك الفن، وفي وقت من الأوقات القدر فرض عليها الإعتزال والشهرة أضافت لها كثيرًا، مردفة أن الفن جعلها فخورة بنفسها وتشعر بحب الناس في الأماكن العامة والمناسبات.
وكان آخر أعمال هدى رمزي فيلم الصديقان الذي عرض في 1993 وكان من تأليف ماجدة خير الله وإخراج حسن حافظ.
