محمود العسيلي: عندي 43 سنة واتجوزت 4 مرات ومفيش حب من أول نظرة
تحدث الفنان محمود العسيلي، عن الهضبة عمرو دياب، وزيجاته الـ 4، بجانب حديثه عن الحب في وجهة نظره وإذا ما كان هناك حب من أول نظرة كما يشاع أم لا.
وقال محمود العسيلي، في لقائه مع الإعلامي عمرو أديب، في برنامج الحكاية: الواحد بيتفرج على عمرو دياب بيتعلم منه، ماسك في الموضوع وأنه هيفضل رقم واحد، والفنان لازم يشتغل جامد ويفكر، عمرو دياب بيشجعني وبيحبني جدًا، وليا الحظ لما بقعد معاه بيكلمني قد إيه هو بيشتغل والمواقف اللي حصلت معانا في الأفراح والبدايات، ولما بتفرج عليه بتعلم منه.
أما عن زيجاته، فعلق محمود العسيلي: عندي 43 سنة واتجوزت 4 مرات، وأنا عندي عيب رهيب أني بدلع جدًا اللي معايا، وفي الأول بتدلعني وبعد كده الناس بتعتاد الحاجة الحلوة، فأنا بوقف فللأسف عندي القدرة على الهروب.
وأضاف العسيلي: الحب بيخلص والإعجاب الحقيقي الناس بتفسره على أنه حب مفيش حب من أول نظرة، في إعجاب من أول نظرة.
محمود العسيلي
وعلى جانب آخر، اجتمع مؤخرًا الثنائي، الفنان محمود العسيلي والفنانة بوسي في أغنية جديدة تحمل اسم كلكوا فله، في فيلم السادة الأفاضل بطولة الفنان بيومي فؤاد ومحمد ممدوح.
