مش بشحت وكنت بشتري بفلوسي.. أول تعليق من عامل دليفري بعد رفض فرع بلبن في مدينتي البيع له
زعم عامل دليفري عبر منصات التواصل الاجتماعي رفض مدير أحد فروع بلبن في مدينتي شراء منتج من المحل لارتدائه ملابس عامل دليفري، ما أشعره بالحزن والاستياء الشديد.
أول تعليق من عامل دليفري رفض فرع بلبن البيع له
وقال الشاب في تصريحات خاصة لـ القاهرة 24: كنت لاس جاكيت طلبات وروحت إمبارح اشتري من بلبن منعني قولت تقريبا بسبب اللوجو بتاع طلبات لما قالي ممنوع تشتري وأنت لابس جاكيت طلبات، تاني يوم قلبت الجاكيت وروحت لقيتهم برضو رفضوا يبيعولي واستغربت جدًا وسألتهم مخدتش إجابة مفية.
وأضاف الشاب: كلمت الدعم وشرحت اللي حصل موصلتش معاهم لرد منطقي، والنهاردة قلبت الجاكيت عشان اللوجو ميظهرش والكاشير سألني أنت هتستلم أوردر قولتله لا أنا جاي اشتري، ورجع تاني ومنعني اشتري مدير المنطقة قالي مينفعش ابيعلك.
وأكمل الشاب: الناس اتفرجت على اللي حصل لدرجة إن راجل قرر يشتري ليّ هو، وأضايقت جدًا وصعبت عليا نفسي أنا مش بشحت أنا جاي اشتري بفلوسي.. أنا مش فاهم هو فيه بند ممنوع إن عامل الديلفيري يشتري من بلبن، اللي حصل إني حسيت بكسرة نفس قدام الناس واتكسفت من شغلانتي مع أني مش بحس بكده أبدًا.
