بعد ظهورها مع رضوى الشربيني.. فريدة عبيد ترد على منتقدي شكلها: اعتبروني مطربة وحشه بس صوتها حلو
وجهت المطربة فريدة عبيد رسالة حازمة للمتنمرين على شكلها، وذلك بعد ظهورها مؤخرًا في برنامج هي وبس مع الإعلامية رضوى الشربيني.
فريدة عبيد ترد على منتقدي شكلها: اعتبروني مطربة وحشه بس صوتها حلو
ونشرت فريدة عبيد عبر حسابها الرسمي على فيس بوك: كل اللي بيتكلم ويتنمر على شكلي مريض بجد وعايزة أعرفكم معلومة صغيرة: أنا في البرنامج ده علشان موهبتي وأغنيتي اللي كتبتها ولحنتها وغنتها ونجحت والناس حبتها، مش علشان أنا بنت شكلها حلو.
وتابعت: ولأريحكم، اعتبروني مطربة شكلها وحش بس صوتها حلو. لو انتو مش مستوعبين إن كاميرا الموبايل مش بتجيب الشكل مظبوط زي كاميرا التليفزيون، والإضاءة والميك أب واللبس والشعر كل ده بيعمل تغيير في الشكل، يبقى دي حاجة ترجعلكم، أو تقريبا انتو ما بقيتوش قابلين تشوفوا ناس طبيعية وبسيطة مش متكلفة في ظهورها.
وأضافت: عمومًا، زي ما قلت لكم، اعتبروني مطربة صوتها حلو بس شكلها وحش لو ده هيريحكم أنا عن نفسي مرتاحة في شكلي ومتقبلة في كل الأحوال انتو ايه مدايقكم مش فاهمين وليه أصلًا مركزين في شكلي!.
رضوى الشربيني
ومن جانب آخر، سبق ووجهت رضوى الشربيني، رسالة إلى منتقدي الفنانة ريهام عبد الغفور، على خلفية الجدل الذي أثير مؤخرا بسبب ظهورها في العرض الخاص لفيلمها خريطة رأس السنة، مؤكدة رفضها لحملات الهجوم والتنمر التي طالتها عبر مواقع التواصل الاجتماعي.
وقالت رضوى الشربيني، في تصريحات عبر برنامجها هي وبس، المذاع عبر شاشة قناة DMC، إنها لا تدافع عن ريهام عبد الغفور بشكل مطلق، موضحة: أنا مش بقول إن ريهام صح، بس حتى لو لبسها مش عاجبك، مش ربنا أمرك تغض بصرك؟ ومش أمرنا بالستر؟ والرسول قال: من ستر مؤمنا ستره الله يوم القيامة؟
