أبرز تصريحات آسر ياسين وأسماء جلال مع عمرو أديب على MBC مصر
فن
آسر ياسين وأسماء جلال
حل النجمان آسر ياسين وأسماء جلال على الإعلامي عمرو أديب ببرنامجه الحكاية، المذاع عبر قناة MBC مصر، وتحدثا الثنائي على كواليس فيلم إن غاب القط، الذي يعرض حاليًا في السينمات داخل مصر، كما أشاد الإعلامي عمرو أديب بيهما، مؤكدا أن الاثنين يتمتعان بحضور فني مميز وكاريزما خاصة تميزهم عن غيرهم، ونستعرض لكم خلال السطور التالية أبرز تصريحاتهما.
أبرز تصريحات آسر ياسين
- أنا أعدت تقديم مشهد الجري الشهير لأستاذ أحمد زكي بالبشكير في فيلم إن غاب القط، وكنت قلقان جدا قبل تصويره لأن الجمهور مرتبط بالمشهد الأصلي.
- المشهد اتصور في شارع المعز، وكانت تجربة جديدة ومختلفة، والحمد لله النتيجة نالت إعجاب الجمهور.
- أسماء جلال دمها خفيف جدا، سواء بره الكاميرا أو قدامها، وده خلى التصوير ممتع جدا.
- تكلفة أقل فيلم دلوقتي ممكن توصل لـ 200 مليون جنيه، وده بيعكس ارتفاع مستوى الإنتاج.
- الحركة والانتعاش في صناعة السينما خلال السنتين الأخيرتين فارقوا جدا، وكمان توسع عروض الأفلام في الخليج ساعد على ده.
- هرجع أصور مسلسل أتنين غيرنا لـ رمضان 2026
- بشارك في أتنين غيرنا مع دينا الشربيني والعمل إنتاج المنتج محمد السعدي
أبرز تصريحات أسماء جلال
- محمد شاهين خطير جدا في الكوميديا، وكنا بنضحك كتير أثناء التصوير.
- بحاول أقدم الأدوار الكوميدية بإتقان، ومش بتمثل بس عشان شكلي، بل بحاول أطلع الشخصية كوميدية ناجحة.
- ممكن أنا مرة أغسل المواعين ومرة وكده، والفكرة كلها مشاركة المسؤوليات مع الزوج.
- أنا طبيعتي مرحة وخفة ظلي واضحة سواء قدام الكاميرا أو وراها.
- عندي فيلم اسمه 4 عرفي مع أحمد فهمي وهنصوره قريب
- فضلت أغيب عن رمضان السنادي وأخد أجازة
- 2025 شاركت في أعمال كتير وكلها نجحت
