جيني كامل لـ لقاء الخميسي بعد أزمة عبد المنصف: اللي خان يتخان.. ده عدل ربنا
وجّهت الفنانة جيني كامل رسالة دعم ونصيحة إلى الفنانة لقاء الخميسي، وذلك عقب انتشار أخبار طلاق زوجها الكابتن محمد عبد المنصف من فنانة تُدعى إيمان الزيدي.
وكتبت جيني عبر حسابها بموقع التواصل الاجتماعي فيس بوك: نصيحة خاصة للفنانة لقاء الخميسي حكمي عقلك يا محترمة يا بنت الأصول بغض النظر إنك كنتي تعلمي أو لا، لو كان عندها بديل ماكنتش وافقت وشوفنا نماذج في حياتنا لا تعد.. فوتي الفرصة عليها وسبيها تتشقلب وتعمل أكثر من كده لو على المعرفة عرفنا وفي الآخر لا يصح إلا الصحيح وأطلقت.
وأضافت: الزوجة الثانية واضحة جدًا، سكتت على زواج من راجل متزوج سنين، جاية النهاردة تعمل بحياتك ترند رخيص، ده غير إنها لو فيها خير ما كانتش من الأول وافقت بزيجة من راجل متزوج وعنده أولاد طوله عشان هتشوفي خساير فيهم أكثر كثير من خراب بيتك، وتاني اللي خان يتخان، ده عدل وقانون رب العباد.
واختتمت: حاسبيه، انتقمي منه، وخدي حقك زي ما تحبي في البيت وما تخسريش عيالك أبدًا حياة سوية كانوا عايشينها، وربنا يعوضك خير في كل حاجة حتي لو اتغدر بيكي، ده كان بيشيل عنك حاجات كتير إنتي مش عرفاها ربنا له حكمة في كده والله أقلها إن عيالك ماشيين على الأرض بخير، وربنا معاكي ويديكي السكينة والطمأنينة وراحة القلب دول أهم كثير من أزمات الدنيا والله.
