نفسيتي في الأرض.. طالبة مصابة بـ عسر القراءة تشكو من تنمر المدرسين خلال أداء امتحان الدمج
استغاثت طالبة مصابة بمرض ديسلكسيا -عسر القراءة-، بسبب تنمر أحد المراقبين عليها خلال أداء الامتحانات الخاصة بـ دمج ذوي الاحتياجات الخاصة، وعدم تسلمها ورقة الامتحانات لـ 20 دقيقة.
طالبة مصابة بـ عسر القراءة تشكو من تنمر المدرسين أثناء أداءها امتحان الدمج
وظهرت الطالبة في فيديو متداول عبر منصة تيك توك، قالت فيه: أتعرض للتنمر في المدرسة بيكرهوني عشان أنا امتحانات دمج بيقلوا بيا، 20 دقيقة مستنية الورقة، وبيقولولي إن ورق امتحاني بيضغطهم وبياخد وقت طويل منهم.
وتابعت: المستر اللي كان بيشرف عليا رمالي الورقة على الديسك وقالي حلي بس الاختيار من متعدد، كمية التنمر اللي بشوفها من المدرسة وبيستهزأوا بينا، ليه أقعد ساعة ونص في الفصل كل صحابي بيحلوا الامتحان وأنا لا محلتش أي حاجة.
وأضافت: كمان في مدرسة كانت بتراقب علينا في الامتحان وأنا طلبت منها إني أنزل رفضت تنزلني وقالتلي احترمي وقت اللجنة، طب مانا محلتش حاجة أصلا!، كمية تنمر مش طبيعية وكأني بنت مش عادية من حقها تمتحن وتحل زي باقي زملاءها ونفسيتي في الأرض بسبب اللي حصل.
