شغال بدون عقد.. شقيقة مُصاب أسانسير المترو تناشد وزارة العمل: يوميته شوية فكة ومش عارفين نعالجه
ناشدت إ. س شقيقة فني الأسانسير المُصاب خلال عمله داخل محطة مترو العتبة بالخط الثاني والمدعو “م. س”، وزارة العمل، بشأن عدم حصول شقيقها على فرصة عمل مناسبة له، إذ يبلغ من العمر 30 عامًا ومازال يعمل بأجر يومي.
شقيقة مُصاب أسانسير المترو تناشد وزارة العمل
وقالت شقيقة العامل المصاب في مناشدتها عبر القاهرة 24: أخويا وقع من الدور الخامس وهو بيصلح أسانسير مترو العتبة، وحالته خطيرة دلوقتي في المستشفى ومش عارفين نعالجه ولا ندفع مصاريف مستشفى خاصة.
شغال باليومية وبياخد شوية فكة
وأردفت: أخويا شغال مع مقاول تبع شركة المصرية للمصاعد، وقت ما بيحتاجوا ناس بياخدوه يشتغل باليومية ويدوله شوية فكة مش مقضينه يصرف على مراته وعياله الاتنين، كمان مش مأمنين عليه ولا ماضي معاهم أي عقد عشان يضمن حقه.
وأردفت: بناشد وزارة العمل توفر لأخويا أي فرصة عمل عشان يعرف يكفي مصاريف بيته وأسرته، وكمان يكون ليه حق يتعالج كويس لو حصله أي حاجه، عشان الشركة اللي هو شغال فيها دي محدش سأل عليه لحد دلوقتي ومش عارفين نعمل حاجة.
