مصطفى كامل: الغلابة مش لاقية تاكل.. وأنا مش ضعيف عشان أشوف ناس بتسرق وأسيبهم
علق المطرب مصطفى كامل نقيب المهن الموسيقية، على أزمات النقابة في الآونة الأخيرة، مشيرًا أن ما فعله مؤخرًا يعني أنه لن يتهاون مع مَن يأخذ حقوقا ليست ملكه.
مصطفى كامل: أنا مش ضعيف عشان أشوف ناس بتسرق وأسيبهم
وعلق مصطفى كامل خلال فيديو عبر القاهرة 24، قائلا: الناس مش لاقية تاكل الغلابة واليتامى كتير، معنى إني ألم الموضوعات علشان الأزمات الأخيرة اللي حصلت، إني أشوف ناس بتسرق وأسيبهم، وأنا مش ضعيف علشان أعمل كدة.
ومن جانبه سبق أن تحدث مصطفى كامل في لايف عبر حسابه الر سمي بموقع فيسبوك: النقابة بتتعرض لهجوم شرس من شلة قد تكون ليس لهم علاقه بالفن، وفي صفحات وهمية تم اتخاذ الإجراءات القانونية ضدهم، يحرم عليا وعلى بيتي الجنيه أنا مليش في الحرام وربنا غنيني، أنا شقيان من صغري.
وتابع: اشتغلت لله وبشرف وقاصد أخرج من النقابة يتقال عني كان فيها راجل محترم، أنا عمري ما ظلمت ولا هكون ظالم مفيش حد حولته للتحقيق غير وهو يستحق، لو أنا قدمت استقالتي واكتفيت بتجارتي مع الله الحرب اللي قايمة عليا هتهدى؟
واختتم: أنا ممسكتش شنطة رقاصة أنا صانع نجوم ورجل متعلم ومثقف هدفي أخرج من النقابة وأنا مشرف دولتي وبيتي وأولادي، والمقعد اللي قعدت عليه سيدة الغناء العربي ويتقال الله يمسيه بالخير أو يرحمه.
