مش بتاعت طلاق.. رضوى الشربيني تكشف موقف لقاء الخميسي بعد أزمة زواج عبد المنصف
كشفت الإعلامية رضوى الشربيني عن موقف الفنانة لقاء الخميسي بعد زواج محمد عبد المنصف من إيمان الزيدي، مؤكدة استمرار علاقتهما.
مش بتاعت طلاق.. رضوى الشربيني تكشف موقف لقاء الخميسي بعد أزمة زواج عبد المنصف
وقالت رضوى الشربيني في برنامجها هي وبس: لقاء الخميسي مستمرة في زواجها من عبد المنصف، وبتقول أنا مش ست بتاعت طلاق، أنا أتربيت في أسرة كلها تسامح، واتعلمت إني أغفر، وعبد المنصف علمني حاجات كتير طول الـ 21 سنة تخليني أقعد معاه وأعاتب لكن متطلقش.
وواصلت: إيمان الزيدي بتقول لنا إنها اتجوزت عبد المنصف 7 سنين واتطلقت منه، فين صورة الزواج يا فنانة؟ هو بيبقى إشهار في الطلاق بس؟ الزواج فيه إشهار، نحب نشوف صورتك في الزواج قبل الطلاق، أنتِ خضتينا يا فنانة.
وأكملت: هل كنتِ عارفة إنه متزوج بقاله 21 سنة؟ وحضرتك قاعدة 7 سنين زوجة تانية غصب عنك؟ هل اتفقتي مع الكابتن وأنتوا في السر إنكم هتطلقوا في العلن؟ هل خدتي بالك واقع الخبر على الست اللي بقالها 21 سنة متجوزة وعندها ولدين واقع الخبر عليها هيبقى عامل إزاي؟ واحدة استحملت 7 سنين زواج في السر لازم الزتونة بتاعة الآخر دي؟ ليه؟.
واختتمت: مفيش واحدة هتقعد مع واحد في السر 7 سنين غصب عنها، لو بتنشري الخبر علشان تقفلي عليه فلقاء الخميسي مستمرة في زواجها من زوجها.
