رش عليها مادة حارقة خلال إنقاذها الكلاب من الدهس.. أول تعليق من صاحبة واقعة منطقة جاردينيا
كشفت سيدة تعرضت للاعتداء داخل منطقة جاردينيا، تفاصيل الواقعة التي أثارت حالة من الغضب، بعد سكب مادة حارقة على وجهها أثناء محاولتها إنقاذ كلاب صغيرة من الدهس.
أول تعليق من صاحبة واقعة منطقة جاردينيا
وقالت صاحبة الواقعة، في تصريحات خاصة لـ القاهرة 24، إنها كانت متواجدة في الشارع الرئيسي بالمنطقة، حيث تسكن في آخر الشارع، عندما فوجئت بطفل صغير يخبرها بوجود كلاب صغيرة في الطريق معرضة للدهس من السيارات.
وأضافت: نزلت أساعدهم وأشيل الكلاب على جنب علشان ما يحصلهمش حاجة، وفجأة شاب جه بعربيته وابتدى يزعق لي ويقولي إيه اللي جابك هنا، وبيقولي إنهم فاكريني مش من سكان المنطقة.
وتابعت: حاولت أفهمه إني بساعد كلاب صغيرة، وقلت له أنا واقفة هنا وأنت مالك، وخلال الكلام جه والده فجأة ومعاه حاجة في إيده، ورشها عليا وجري.
وأوضحت السيدة أنها في البداية لم تدرك ما الذي تم رشه عليها، قائلة: اتخضيت وسألته أنت بترش إيه، وبعدها حسيت بحرقان شديد في عيني، ومكنتش فاهمة هو رش إيه بالضبط، وجريت وراهم.
وأكدت أن المتهمين فرا من المكان بسرعة، مضيفة: الأب ركب العربية مع ابنه وجري، وأنا دلوقتي عيني مش شايفة بيها ومش عارفة هرجع أشوف بيها تاني ولا لأ.
